စာပေစကားဝိုင်းတခုတွင် စာရေးဆရာပေါက်စတဦးက စကားပြောရင်း သူ့အကြောင်းကို
ထည့်သွင်းပြောဆိုရာတွင်…
“စာပေကို မြတ်နိုးတဲ့စိတ်ကြောင့် ဆေးပညာကို စွန့်လွှတ်ပြီး စာပေလောကထဲကို ခြေစုံပစ်
ဝင်ခဲ့တာပဲဗျာ။ ဆရာဝန်တစ်ယောက်ထက် စာရေးဆရာတယောက်အနေနဲ့ ပြည်သူလူထုကို
ပိုပြီး အကျိုးပြုနိုင်မယ်လို့ ကျနော်ယုံကြည်ထားတယ်”
စကားဆုံးတော့ လူတစ်ယောက်က ထပြောလိုက်တယ်။
“ဆေးပညာ စွန့်လွှတ်လိုက်တာနဲ့တင် ပြည်သူလူထုအတွက် တော်တော်လေး အကျိုးပြုပြီးသား
ဖြစ်သွားပါပြီဗျာ”
(စုဘူး ဘလော့ဂ်က ဖတ်မိတဲ့ ဟာသတစ်ခုပါ။)
………………………………………………………………………………
စောင့်နေသူ
တခါက အရူးဆေးရုံတစ်ခုရဲ့ ဆေးရုံအုပ်ကြီးက လူနာတွေရဲ့ အခြေအနေကို သိချင်တဲ့အတွက်
စမ်းသပ်မှုတခု လုပ်တယ်။ သူစမ်းသပ်ပုံက လူနာတွေကို လ္ဘက်ရည်ခွက်တခွက်စီ
ပေးလိုက်တယ်။
“ကဲ မင်းတို့ကို လ္ဘက်ရည်တိုက်မယ်။ အားလုံးတန်းစီ”
လူနာတွေအားလုံး တန်းစီကြတယ်။ အဲဒီမှာ ဆေးရုံအုပ်ကြီးက ဘာမှထည့်မထားတဲ့ ဓာတ်ဘူး
အလွတ်တစ်လုံးနဲ့ လ္ဘက်ရည်တွေ လိုက်ထည့်ပေးတဲ့ပုံစံလုပ်လိုက်ြ
“ကဲ လ္ဘက်ရည်ထည့်ပြီးပြီ။ အားလုံးသောက်လို့ရပြီ” လို့ ပြောလိုက်တယ်။
လူနာတွေကလည်း ဘာမှမရှိတဲ့ လ္ဘက်ရည်ခွက်ကို အားရပါးရ မော့သောက်လိုက်ကြတယ်။
အဲဒီအထဲမှာ လူနာတယောက်ကတော့ မသောက်ဘဲနဲ့ လ္ဘက်ရည်ခွက်ကို စိုက်ကြည့်နေတာကို
ဆေးရုံအုပ်ကြီးကမြင်တော့ “အင်း ဒီလူနာကတော့ အတော်လေး ရောဂါ
သက်သာသွားပြီ ထင်တယ်”လို့ တွေးလိုက်မိပြီး လူနာကို မေးလိုက်တယ်။
“သူများတွေ အားလုံး လ္ဘက်ရည်သောက်နေကြပြီ။ မင်းကဘာလို့ မသောက်ဘဲ
လ္ဘက်ရည်ခွက်ကို ကြည့်နေတာလဲ ”
လူနာက ပြန်ဖြေလိုက်တယ်။
“ပူနေသေးလို့ ခင်ဗျ”
(သူငယ်ချင်းတယောက် ပြောပြဖူးသော ဟာသတစ်ခု ဖြစ်ပါတယ်။)
………………………………………………………………………………
လွယ်လွန်းလို့
ကျောင်းကပြန်လာတဲ့ မူလတန်းကျောင်းသား မောင်လှကို ကျောင်းမတက်တဲ့ သူငယ်ချင်း
မောင်မြက မေးတယ်။
မောင်မြ ။ ။ ” ကျောင်းမှာ ဘာတွေသင်သလဲကွ”
မောင်လှ ။ ။ “မြန်မာ၊ အင်္ဂလိပ်၊ သင်္ချာ”
မောင်မြ ။ ။ “ဒါဆို မင်းက အင်္ဂလိပ်စကား တတ်သလား”
မောင်လှကလည်း ခပ်ကြွားကြွားနဲ့ ပြန်ဖြေတယ်။
“တတ်တာပေါ့ကွ”
မောင်မြ ။ ။ “ဒါဆို ဒီကိုလာ ဆိုတာကို အင်္ဂလိပ်လို ဘယ်လိုပြောသလဲ”
မောင်လှ ။ ။ “ဒါလေးများ လွယ်လွန်းလို့။ Come here လို့ ပြောရတယ်”
မောင်မြ ။ ။ “အလဲ့ တယ်ဟုတ်ပါလား။ ဒါဆို ဟိုကိုသွား ဆိုရင်ရော”
ဆရာမ သင်ပေးတဲ့အထဲမှာ အဲဒါမပါသေးတော့ မောင်လှအခက်တွေ့ သွားတယ်။
ဒါပေမယ့် ခပ်တည်တည်နဲ့ ပြန်ဖြေလိုက်တယ်။
“ဒါလေးများ လွယ်လွန်းလို့။ ဟိုဘက်ကိုသွားပြီးတော့ Come here လို့ ပြောလိုက်”
--
No comments:
Post a Comment