အင်ဒိုနီးရှားဝန်ထမ်းတစ်ဦးနဂါး အကိုက်ခံရ

အင်ဒိုနီးရှား ဝန်ထမ်းတစ်ဦး ကိုမိုဒို နဂါး အကိုက်ခံရ

via PatheinCity News by Editor on 6/1/10

အင်ဒိုနီးရှားနိုင်ငံ ရင်ကာကျွန်းပေါ်ရှိ ကိုမိုဒို အမျိုးသား ဥယျာဉ်တွင် မေလ ၂၂ ရက်နေ့က ဝန်ထမ်းတစ်ဦးသည် ကိုမိုဒို နဂါးကြီး တစ်ကောင် ၏ အကိုက်ခံရ သော်လည်း မိမိကို မလွှတ်မခြင်း ထိုတွားသွား သတ္တဝါကြီး၏ နှုတ်သီးကို လက်သီးဖြင့် အကြိမ်ပေါင်းများစွာ ထိုးခြင်းဖြင့် ပြန်လည်လွှတ်မြောက် လာခဲ့သည်ဟု သိရသည်။
အသက် ၂၀ အရွယ် ကိုမိုဒို အမျိုးသား ဥယျာဉ် ဝန်ထမ်း အော်ဂါတ်စတင်းနစ် ဂျန်နယူ သည် ရင်ကာကျွန်းပေါ်ရှိ မပြီးသေးသော သစ်သား ဘန်ဂလို တစ်ခုအတွင်းတွင် ရှိနေစဉ် ၆ပေခွဲ ခန့်ရှည်သော အဆိုပါ ဖွတ်နဂါး သတ္တဝါကြီး ဝင်ရောက်လာကာ ဂျန်နယူ ၏ ဘယ်ဘက် လက်ကို ကိုက်ဆွဲခဲ့သည်ဟု ကိုမိုဒို အမျိုးသား ဥယျာဉ် တာဝန်ရှိပုဂ္ဂိုလ် ဒင်နီယယ် ဘော်လူ ကပြောကြားခဲ့သည်။
ဂျန်နယူ သည် ထိုဧရာမ ဖွတ်နဂါးကြီး၏ ပါးစပ်ကို ညာဘက်လက်သီးဖြင့် အကြိမ်ပေါင်းများစွာထိုးပြီး လွတ်မြောက်လာခဲ့သည်။ တိုနောက် ဂျန်နယူကို ဆေးခန်းသို့ ခေါ်ဆောင်သွားပြီး ပေါက်ပြဲ ဒဏ်ရာများကို ဆေးကုသမှု ခံယူစေခဲ့သည်။

ကိုမိုဒို အမျိုးသား ဥယျာဉ်တွင် တွေ့ရသည့် ကိုမိုဒို နဂါးကြီးများ

ဖွတ်မျိုးစိတ်တွင် အရက်စက် အကြမ်းတမ်းဆုံးနှင့် အကြီးမားဆုံး သတ္တဝါဖြစ်သည့် ကိုမိုဒို နဂါး (Komodo Dragon) ဟု တင်စားခေါ်ဝေါ်ကြသော ဧရာမ ဖွတ်ကြီးများသည် အင်ဒိုနီးရှားနိုင်ငံ အရှေ့ဘက်ပိုင်းရှိ ကိုမိုဒိုကျွန်း၊ ပါဒါကျွန်းနှင့် ရင်ကာကျွန်း တို့တွင် သဘာဝ တောတွင်းသားရဲ တိရိစ္ဆာန်များအဖြစ် နေထိုင်ကျက်စားလေ့သည်။ အဆိုပါ ဖွတ်နဂါးကြီးများသည် အရှည် ၁၀ ပေ နှင့် အလေးချိန် ပေါင် ၁၅၀ အရွယ်အထိ ကြီထွားနိုင်ကြပြီး ယခုအခါ အကောင်ရေ ၄၀၀၀ ထက် လျော့နည်းလာပြီဖြစ်သည်။

အင်ဒိုနီးရှားတွင် တောတွင်းသတ္တဝါ အဖြစ်မြင်တွေ့ရသည့် ကိုမိုဒို နဂါး

သမင်တစ်ကောင်အား စားသောက်နေသည့် ကိုမိုဒို နဂါး

ဖွတ်မျိုးစိတ်တွင် အကြမ်းကျုတ်ဆုံးနှင့် အကြီးမားဆုံး ကိုမိုဒို နဂါး

ယခုအကိုက်ခံရသော ဝန်ထမ်း ဂျန်နယူ သည် ဒုတိယအကြီမ်မြောက် အကိုက်ခံရသူဖြစ်ပြီး ၂၀၀၇ ခုနှစ်က ၈ နှစ်အရွယ် ကလေးငယ်တစ်ဦးသည် ကိုမိုဒိုကျွန်းတွင် ထိုဧရာမ ဖွတ်နဂါးကြီး တစ်ကောင် အကိုက်ခံရပြီး သေဆုံးခဲ့သည်ဟု သိရသည်။