Simple English; be able to, dare to, want to, want (O) to, need to, be about to, have to, going to, let (O) and make (object)

                                  BE ABLE TO
Be able to ကို သုံးရမည့် ပုံစံများမှာ အောက်ပါအတိုင်းဖြစ်ပါသည်။
ဥပမာ။   ။ ၁..I am able to be a pilot = ကျနော် လေယဉ်မောင်းတစ်ယောက်ဖြစ်နိုင်သည်။ (မသေချာ)
             ၂..He is able to  be a teacher= သူသည် ဆရာတစ်ယောက်ဖြစ်နိုင်သည်။ (မသေချာ)
             ၃..She is able to go to Malaysia= သူမ သည် မလေးရှားသို့ သွားနိုင်သည်။
   စသည်ဖြင့်  Be များကို  နာမဝိသေသနများ နှင့် တွဲရေးလို့ ရပါတယ်။

Have (မှာရှိကြိယာ) နှင့်  တွဲပြီး ရေးလို့ လည်း ရပါသေးတယ်။
ဥပမာ။    ။ ၁..I am able to have a girlfriend = ကျနော့် မှာ ရည်းစားရှိနိုင်သည်။
              ၂..She will be able to have a new car= သူမ မှာ ကားအသစ်တစ်စီးရှိနိုင်လိမ့် မည်။
              ၃.. I will/shall not be able to have a new girlfriend because she love me so much.
                 သူမ ကျနော့်  အရမ်းချစ် လို့  ကျနော့် မှာ နောက်ထပ်ရည်းစားအသစ်တစ်ယောက်ရှိလိမ့် မည်မဟုတ်ပါ။ စသည်ဖြင့် ရေးလို့ ပါတယ်။

Verb to do များနှင့်တွဲရေးလို့ လည်းရပါသေးတယ်။
ဥပမာအားဖြင့် ။  ။
               ၁.. I am able to go to theater with you  = ငါ မင်း နဲ့ အတူ ရုပ်ရှင်ရုံကို သွားနိုင်တယ်။
               ၂.. I shall/will be able to go her birthday party = ကျနော် သူမရဲ့ မွေးနေ့ ပွဲကို သွားနိုင်လိမ့် မည်။ စသည်ဖြင့် ရေးသနိုင်ကြောင့် တွေ့ရသည်။

                                       BE ABOUT TO
 Be about to ကို( ဖြစ်တော့ မလို့  ) (တော့ မလို့ ) စသည်ဖြင့် ဘာသာပြန်လို့ ရပါတယ်။
ဥပမာ။    ။
         ၁...I am about to be a software hacker. ကျနော် ဟက်ကာတစ်ယောက်ဖြစ်တော့ မလို့ ။
         ၂...She is about to be my girlfriend. သူမ ကျနော့် ရည်းစားဖြစ်တော့ မလို့ ။
         ၃...I was about to leave if you did not come. မင်းမလာခဲ့ ဘူးဆိုရင် ငါပြန်တော့ မလို့ ။
စသည်ဖြင့် ရေးသားနိုင်ကြောင်း..
                                      BE GOING TO
BE GOING TO ကို(လိမ့်မည်) လို့ သုံးလို့ ရပါတယ်။ သေချာတဲ့ အရာကိုသုံးနိုင်ပါတယ်။
ဥပမာ။   ။
        ၁... She is going to be a doctor= သူမသည် ဆရာဝန်မ တစ်ယောက်ဖြစ်တော့ မည်။
        ၂... He is going to see New York City = သူ သည် နူးယောက်မြို့ ကို မြင်ရတော့ မည်။
စသည်ဖြင့် ရေးသားနိုင်ပါသည်။
                                        HAVE TO
ဥပမာ။  ။
        ၁... I have to be a manager = ကျနော် မန်နေဂျာတစ်ယောက် ဖြစ်ရသည်။
        ၂... He had to have a dog = သူ့ မှာ ခွေးတစ်ကောင်ရှိခဲ့ ရသည်။
        ၃... I will/shall have to do my home work tonight. ငါ ဒီည အိမ်စာ ကိုလုပ်ရလိမ့် မယ်။
                                       WANT TO (ချင်သည်)
ဥပမာ။   ။
         ၁... I want to be a good student = ကျနော် ကျောင်းသားကောင်းတစ်ယောက်ဖြစ်ချင်သည်။
         ၂... He wants to be a pilot = သူသည် လေယဉ်မောင်းတစ်ယောက်ဖြစ်ချင်သည်။
         ၃...She wants to have a baby = သူမသည် ကေလး တစ်ယောက်ရှိချင်သည်။
         ၄...They will want to visit my house= သူတို့ ကျနော့် အိမ်သို့ လာလည်ချင်ကြလိမ့် မည်။
စသည်ဖြင့် ရေးသားနိုင်ပါသည်။
                                         Want {Object(ကံပုဒ်)} to =စေချင်သည်။

ဥပမာ။   ။
          ၁... She wants me to be a wrestler = သူမသည် ကျနော့် ကို နပန်းသမားတစ်ယောက်ဖြစ်စေချင်သည်။
          ၂... She wants me to sing a song= သူမ ကျနော့် ကို သီချင်းတစ်ပုဒ်ဆိုစေချင်သည်။
          ၃... I want her to learn English = ကျနော်သည် သူမ အား အင်္ဂလိပ်စာ သင်စေချင်သည်။
          ၄... We want him to go to U.S.A = ကျနော်တို့  သူ့ ကို အမေရိက သို့ သွားစေချင်သည်။
                                          LET " Object" = ခွင့် ပေးသည်။
ဥပမာ။  ။
        ၁... Mom lets me go with her = အမေက ကျနော့် ကို သူမ နှင့် သွားခွင့် ပြုသည်။
        ၂... I let him eat my lunch = ကျနော်သည် သူ့  အား ကျနော့် ၏့နေလည်စာ စားခွင့် ပြုသည်။
        ၃... He lets peter lin go to the beach = သူသည် ပီတာလင်းအား ကမ်းခြေ သို့ သွားခွင့် ပြုသည်။
                                          MAKE "Object" = ပြုလုပ်စေသည်။ ပြုလုပ်သည်။
ဥပမာ။  ။
         ၁... I make a bird fly = ငါသည် ငှက်ကလေးတစ်ကောင်အား ပျံအောင်လုပ်သည်။ (ပျံစေသည်)
         ၂...She made  my computer break = သူမသည် ကျနော့် ကျွန်ပျူတာ ကို ပျက် အောင်လုပ်ခဲ့ သည်။
         ၃... My mother makes me happy = ကျနော့် အမေ သည် ကျနော့်အား ပျော်အောင်လုပ်သည်။ (ပျော်စေသည်)စသည်ဖြင့် ရေးသားနိုင်သည်။
                                           NEED TO = လိုအပ်သည်။ လိုသည်။
ဥပမာ။    ။
         ၁... I need to learn English = ကျနော်သည် အင်္ဂလိပ်စာ သင်ယူရန်လိုသည်။
         ၂... She needs to cook for dinner = သူမ သည် ညနေစာ ချက်ဖို့ လိုသည်။
         ၃... we need to go to church = ကျနော်တို့  သည် ဘုရားရှိခိုးကျောင်းသွားဖို့ လိုသည်။
                                         DARE TO = ဝံ့  သည်။ (ရဲ့ သည်)
ဥပမာ။  ။
        ၁... I dare to say what i want to say = ကျနော် ပြော ချင်သောစကားများကို ကျနော်ပြောဝံ့ သည်။ (ပြောရဲသည်)
        ၂... Does he dare to do without permission? = ခွင့် ပြုချက်မရပဲ သူလုပ်ရဲသလား?
        ၃... Dare he say her? = သူ က သူမ ကို ပြောရဲသလား?
စသည်ဖြင့် ရေးသားနိုင်ကြောင်း လေ့ လာတွေ့ ရှိထားသည်။


Written by Peter L Lin
05/26/2011

သင်ဘာတွေကို ပိုင် ဆိုင်ထားသလဲ့ 

တစ်ခါက အလက်ဇန္ဒဒြား ဘုရင်မင်းမြတ်ဟာ ဒိုင်အိုဂျီးနစ် ( အတွေးအခေါ်ပညာရှင်ကြီး ) နဲ့တွေ့ကြသတဲ့။

ဒိုင်အိုဂျီးနစ်က သင်ဘယ်သူလဲလို့မေးတဲ့အခါ အလက်ဇန္ဒဒြား ဘုရင်က က ဟာ သင် ကျွန်ုပ်ကိုမသိဘူးလား
ကျွန်ုပ်ဟာ အလက်ဇန္ဒခြား ဘုရင်လေ လို့ပြန်ဖြေသတဲ့။

ဒီအခါ ဒိုင်အိုဂျီးနစ်က သင်ဟာ အလက်ဇန္ဒဒြားဘုရင် ဆိုရင် ဘယ်တိုင်းပြည်တွေကိုပိုင်ဆိုင်တာလဲတဲ့။

ဒီအခါ အလက်ဇန္ဒဒြားဘုရင်က ကျွန်ုပ်ဟာ မြေထဲပင်လယ် နားတစ်ဝိုက်က တိုင်းပြည်တွေကိုပိုင်ဆိုင်တယ် လို့ ပြန်ပြောတယ်။

ဒိုင်အို ၊     ဟုတ်ပြီဒါဆို သင်ဟာ သဲကန္တာရတစ်ခုတည်းမှာ ရေအလွန်ငတ်နေတယ် ကျွန်ုပ်လက်ထဲမှာ ရေတစ်ခွက်ကိုင် ထားမယ် ။

               သင်ဟာ ဒီရေခွက်ကိုလိုချင်ရင် ကျွန်ုပ်ကို တစ်ခုခုပေးရမယ် သင်ဘာပေးမလဲ ?
ဘုရင် ၊     ကျွန်ုပ်ပိုင်တဲ့ ရွှေ ငွေ ကျောက်သံပတ္တမြားတွေပေးမယ်
ဒိုင်အို ၊     ဒီရေမရရင် သင်သေမှာ ဒီလိုကျောက်သံပတ္တမြားတွေဘာလုပ်မှာလဲ
ဘုရင် ၊    ဒါဆိုရင် ကျွန်ုပ်ပိုင်ဆိုင်တဲ့ တိုင်းပြည်တစ်ဝက်ကို ပေးမှာပေ့ါ
ဒိုင်အို ၊    ဒီရေမရရင်သင်သေမှာ သင်သေရင်တိုင်းပြည်တ၀က်ကိုဘာလုပ်ရမှာလဲ
ဘုရင် ၊    ဒါဆိုရင် ကျွန်ုပ်ပိုင်တဲ့ တိုင်းပြည်တစ်ခုလုံးကို ပေးမှာပဲ
ဒိုင်အို ၊    ဟုတ်ပြီ နောက်ဆိုရင် တိုင်းပြည်ကြီးတစ်ခုလုံးကိုပိုင်တဲ့ ငါဘုရင် အလက်ဇန္ဒဒြားလို့မပြောနဲ့ ရေတစ်ခွက်ကို ပိုင်ဆိုင်တဲ့

              အလက်ဇန္ဒဒြားဘုရင်လို့ပြောပါ/

ဦးဦးမှော်ဆရာမေးလ် ဂရု မှ ဖက်ရှု ကူးယူထားသည်။

မကြာမီ ကမ္ဘာ တစ်ဝှမ်း ရုံတင်ပြသမည့်  ဒေါ်စု ရဲ့  ဇက်ကား

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ရဲ့ ဘဝဇာတ်ကြောင်းကို ရိုက်ကူးထားတဲ့ The Lady ရုပ်ရှင်ဇာတ်ကားကို လာမည့်အောက်တိုဘာလမှာ ကမ္ဘာနဲ့ အဝှမ်းရုံတင် ပြသမှာ ဖြစ်ပါတယ်...။ Drama / Romance / ဘဝသရုပ်ဖော်တွေ ပါရှိတဲ့ အဆိုပါ ရုပ်ရှင်ဇာတ်ကားအား ပြင်သစ်ဒါရိုက်တာ Luc Besson ကရိုက်ကူးပြီး EuropaCorp, Left Bank Pictures, France 2 Cinema ကုမ္ပဏီတွေက ထုတ်လုပ် ရိုက်ကူးခဲ့တာဖြစ်ပါတယ်...။ 

အဆိုပါ The Lady ဇာတ်ကားရဲ့ဇာတ်ဝင်ခန်းများကို ထိုင်း၊ အင်္ဂလန်၊ ပြင်သစ်နဲ့ မြန်မာနိုင်ငံတွေမှာ သွားရောက်ရိုက်ကူးခဲ့ပြီး မြန်မာပြည်ရဲ့ ဇာတ်ဝင်ခန်းတွေကိုတော့ လူထုခေါင်းဆောင် ဒေါ်အောင်ဆန်းစုကြည်ရဲ့ နေအိမ်မှာ သွားရောက် ရိုက်ကူးခဲ့တာ ဖြစ်ပါတယ်။ ပြီးခဲ့တဲ့ ကြာသာပတေးနေ့က ဒေါ်အောင်ဆန်းစုကြည်အဖြစ် သရုပ်ဆောင်ခဲ့တဲ့ ကမ္ဘာကျော် မင်းသမီး Michelle Yeohမှ အဆိုပါဇာတ်ကားကို ရိုက်ကူးခြင်းဖြင့် ဒေါ်အောင်ဆန်းစုကြည်ရဲ့ ဘဝဇာတ်ကြောင်းကို ပိုမို သဘောပေါက်လာလိမ့်မယ်လို့ မျှော်လင့်ကြောင်း ဟောင်ကောင်သို့ ရောက်ရှိစဉ် ပြောဆိုသွားပါတယ်..။

Relative Pronouns ( ဆက်စပ် နာမ်စားများ)

                          Relative Pronouns တို့ မှာ Who, Whom, Which, Whose နှင့် That တို့ ဖြစ်ကြသည်။ ၄င်းတို့ သည် ဝါကျစကား နှစ်ရပ် တို့ ကို ဆက်စပ် ပေး ခြင်းနှင့်  နာမ်စား၏ အလုပ်တို့ ကို ပြုလုပ်ကြ သည်။
                 အထက်ပါဆက်စပ်နာမ်စားများနှင့်   ၄င်း တို့ နောက်ရှိ ဝါကျ ကဏ္ဍ တစ်ခု လုံး ကို ဘာသာ ပြန်သော အခါ " သော" ဟူ၍ ဘာသာ ပြန်ရ၏။   ထို့ ကြောင့်  နာမဝိသေသန သဘော ရှိသောကြောင့်  နာမဝိသေ သန ဝါကျ ကဏ္ဍ ဟူ၍ လည်း ခေါ်နိုင်သည်။
          ဆက်စပ် နာမ်စား ကို ရေးသား ရခြင်း ၏ ရည် ရွယ်ချက်မှာ.
လိမ္မာသော  ခွေး Clever dog၊ ချမ်းသာ သော လူ Rich man စ သည် ဖြင့်  " သော "  အဓိပါယ် ရှိ သော နာမ ဝိ သေသန တို့ သည် Clever, Rich စသည် ဖြင့်   တစ်လုံး ချင်း ရှိကြသည်။
ဥပမာ၊ 
        Who    ( that )    ကတ္တား (Active) နေ ရာ တွင် လူ၌ သုံးသည်။
          Whom (that)      ကံပုဒ် ( passive) နေရာတွင် လူ၌ သုံးသည်။
          Which  (that)     ကတ္တား နှင့်  ကံ နှစ်ခု စလုံး အတွက် အရာဝတ္တု နှင့် တိရစ္ဆာန် တို့ တွင်            သုံးသည်။
         Whose              ပိုင်ဆိုင် ခြင်း ပြ (၏) နေရာ တွင် ဝတ္ထု တိရစ္ဆာန် နှင့်  လူသား အားလုံး အတွက် သုံး သည်။
                           ဆက်စပ် နာမ်စား နှင့်  "သော" စကား ဖြစ်အောင်ရေးနည်း
ဆောင်ပုဒ် ၁။       ။ Who ကို သုံး လို သော အခါ ကြိယာ ကို Who ပြီး မှ ထည့် ရမည်။  (who +verb)
ဥပမာ။               ။ The girl who loves me.= ကျနော့် ကို ချစ်သော ကောင်မလေး။
                          The man who blames me. = ကျနော့် ကို အပြစ်တင်သော လူကြီး။

ဆောင်ပုဒ် ၂။       ။ Whom ကို အသုံး ပြုလိုသော အခါ တွင် ကတ္တား ကို Who ပြီးမှ တည့် ရမည်။ (who+pronoun)
ဥပမာ။               ။ The girl whom i love.= ကျနော်   က ချစ်သော ကောင်မလေး။
                          The man whom i met. = ကျနော် က တွေ့ ခဲ့ သော  လူကြီး။

အထူးမှတ်သားရန်။    ။  မြန်မာ ဘာသာ တွင်  "က" နှင့်  " ကို " တို့ သည် လုံးဝ ခြားနားသော  အဓိပါယ် ဆောင်ကြသော ကြောင့်  Who ဖြင့်  သုံးလျှင်   " ကို" ဟူ၍  အဓိပါယ် တက်ရောက်ပြီး  Whom ဖြင့် သုံး သော အခါ တွင်  " က"  ဆို သော အဓိပါယ် သို့ ပြောင်း လဲ့  သွားကြောင်း သတိပြု လိုပါသည်။

ဆောင်ပုဒ် ၃။            ။ Whose ကို မြန်မာဘာသာ ဖြင့်  (၏) ဟူု ၍ အဓိပါယ် ဖော် နိုင်သည်။
ဥပမာ  ။                  ။ I love a girl. = ကျနော် ကောင်မလေး တစ်ယောက် ကို ချစ်သည်။
                               I do not know her name. = ကျနော် သည် သူမ၏ နာမည်ကို မသိပါ။
                               her name ကို whose name ဟု ပြောင်း လိုသောအခါ...
                             I love a girl whose name i do not know. ကျနော် သည် အမည် ကို  ကနော်မသိသော မိန်းကလေး တစ်ယောက် ကို ချစ် သည်ဟု  ရေးရကြောင်းတွေ့ ရသည်။
ဆောင်ပုဒ် ၄။            ။ Which ကို လူမှ လွှဲ၍  ကတ္တား၊ ကံ တို့  အား သုံးနိုင်သည်။
ဥပမာ။                   ။   The dog which loves me. = ကျနော့်  ကို ချစ်သော ခွေး။
                                The apple which is on the table. = စားပွဲခုံမှာ ရှိသော ပန်းသီး။

ဆောင်ပုဒ် ၅။          ။  ရှေ့ ခံ ပုဒ် မှာ လူနှင့်  သတ္တဝါ၊ ပစ္စည်း ပြ၍၊ အမြတ်စား  တစ်ဖန် all, any, same , only ရှိပြန်ပြီး၊ It is, nothing, who, what, none ရှိပြန်ပါက That နှင့် သာ ဆက်ရသည်။

အထူးမှတ်သားထားရန်မှာ။   ။ From နှင့်  To  တို့ ကို အသုံးပြုရာတွင် Whom ဖြင့်  ရေးသားသောအခါ from (သို့ မဟုတ်)To ကို Whom မတိုင်ခင်ရေးရမည်။ ဒီလိုမျိုး >>>> from whom (or) to whom.
ဥပမာ။             ။ A man is writing.= လူတစ်ယောက်စာရေးနေသည်။
                       You got a letter from him= သင်သည် သူ့ ထံမှ စာ ရခဲသည်။  ဆိုသော စာကြောင်းနှစ်ကြောင်းကို...၎င်းထံမှ  သင် စာရခဲ့ သော လူတစ်ယောက်သည် စာရေးနေသည် ဟုရေးလိုသော အခါတွင်..အောက်ပါ အတိုင်းရေးရသည်။
                        A man from whom you got a letter is writing. ဟူ၍ ရေးရသည်။
သို့ သော်  From နှင့်  To တို့ ကို  စာကြောင်း၏ နောက် ဆုံး တွင် ထားလို သော အခါ That (သို့ မဟုတ်) Where ကို သုံးရမည်။
ဥပမာ၁။          ။   He is a friend. သူသည့် သူငယ်ချင်းတစ်ယောက် ဖြစ်သည်။
                       I went to him . =  ကျနော် က သူ့ ဆီ သွားခဲ့ သည်။ ဟူသော စာကြောင်း နှစ်ကြောင်းကို ..ကျနော် မနေ့ က သွားခဲသော သူသည် သူငယ် ချင်း တစ်ယောက် ဖြစ်သည်။ ဟုရေး လို သော အခါ တွင်.. Whom ကို မသုံး ပဲ့  That ကို သာ သုံးမည် ဆို လျှင် ဖြင့်  ပို သင့် တော်ကြောင်း ကို တွေ့ ရသည်။ ပြောင်းရမည်မှာ.. He is a friend that i went to. ဟု ရေးရကြောင်းတွေ့ ရသည်။
ဥပမာ ၂။         ။ Phoenix is in Arizona.  =ဖိနစ်သည် အရိဇိုးနားတွင်ရှိသည်။
                      I came from there.       = ထိုနေရာ မှ ကျနော် လာသည်။ စသော စာကြောင်း နှစ်ကြောင်း ကို စာကြောင်း တစ်ကြောင်း ပုံစံရေးလိုသောအခါတွင်..အောက်ပါအတိုင်းရေးရသည်။
Phoenix is in Arizona where i came from. =  ကျနော် လာခဲ့ သော ဖိနစ်မြို့  သည် အရိဇိုးနား တွင် ရှိသည်။

ပီတာလင်း ၏မူရင်း စာသားများ နှင့်  How & Why ဦးသန်း လွင် စာ အုပ်ထဲ့ မှ အနည်း အကျဉ်း ကောက်နုတ်ချက်များ ။
           

ကောင်းကွတ်ကို အကြီးချဲ့ ပါ

ဆင်းရဲမွဲတေတဲ့ လူငယ်တစ်ဦးဟာ ဖခင်ရဲ့မိတ်ဆွေတစ်ဦးဆီမှာ ဝမ်းဝမယ့် အလုပ်တစ်ခုကိုရဖို့ ပဲရစ်မြို့ကိုရောက်လာခဲ့တယ်။

ဖခင်ရဲ့မိတ်ဆွေက သူ့ကိုတွေ့တာနဲ့ "ကိန်းဂဏန်းသချာင်္နားလည်လား!" လို့မေးတယ်။ သူခေါင်းခါပြတယ်။ "သမိုင်း၊ ပထဝီဝင်နားလည်လား!" လို့မေးပြန်လည်း သူခေါင်းပဲခါခဲ့တယ်။ ဖခင်ရဲ့မိတ်ဆွေမေးသမျှကို သူစိတ်ညစ်ညစ်နဲ့ ခေါင်းခါခဲ့ရတာချည်းပဲ။ သူ့ကိုယ်ပေါ်မှာ ဘာအရည်အချင်း၊ ဘာအတတ်ပညာမှ သူကိုယ်တိုင်လည်း ရှာမတွေ့ခဲ့ဘူး။

အဲဒီလိုနဲ့ ဖခင်ရဲ့မိတ်ဆွေက သူ့ကို "လိပ်စာအရင်ရေးခဲ့ပါ"လို့ ဆိုတယ်။ သူတည်းတဲ့နေရပ်လိပ်စာကို ရေးပြီး စိတ်ပျက်လက်ပျက်နဲ့ သူလှည့်အထွက်မှာ မိတ်ဆွေကသူ့လက်ကို လှမ်းဆွဲပြီး "သားရဲ့လက်ရေးအရမ်းလှတာပဲ.. ဒါဟာ သားရဲ့အရည်အချင်းပေါ့။ ဝမ်းဝတဲ့အလုပ်နဲ့တင် သားကျေနပ်မနေသင့်ဘူး" လို့ပြောလိုက်တယ်။

နှစ်အတန်ကြာပြီးနောက် လူငယ်ဟာ ကမ္ဘာ့ကျော်စာပေတွေကို ရေးသားနိုင်ခဲ့တယ်။ အဲဒီလူငယ်က ၁၈ရာစုမှာ နာမည်ကြီးခဲ့တဲ့ ပြင်သစ်စာရေးဆရာ Alexandre Dumas ပဲဖြစ်တယ်။

လောကမှာ သာမန်လွန်းတယ်ဆိုတဲ့ လူတွေမှာတောင် အရည်အချင်း နည်းနည်းစီတော့ရှိကြတယ်။ အဲဒီအရည်အချင်းတွေကို များသောအားဖြင့် ကိုယ့်ကိုယ်ကို မယုံကြည်မှုတွေနဲ့ ဖုံးလွှမ်းလိုက်တတ်ကြတယ်။ တကယ်တော့ လူတိုင်းမှာ အဖိုးတန်တဲ့ အရည်အချင်း၊ ကောင်းကွက်တွေ ကိုယ်စီရှိကြပါတယ်။ အဲဒါတွေကို တူးဆွလိုက်မှ ကိုယ်ကိုယ်တိုင်တောင်မယုံနိုင်တဲ့ ရတနာတွေကို ရမှာဖြစ်တယ်။
နိုင်းနိုင်း စနေ ဘာသာပြန်ချက်များထဲ့ မှ ကောက်နုတ်သည်။

အိမ် ထောင်ရေး ဆို တဲ့ ကား တစ် စီး

လက်ထပ်ပြီး သိပ်မကြာသေးတဲ့ အမျိုးသမီးတစ်ဦးဟာ ခင်ပွန်းဖြစ်သူနဲ့ မကြာခဏရန်ဖြစ်လေ့ရှိတယ်။ ရန်ဖြစ်တိုင်း တစ်ယောက်ကိုတစ်ယောက် အနိုင်မခံ အရှုံးမပေးကြတာကြောင့် နှစ်ဦးနှစ်ဖက်လုံး နာကျင်ထိခိုက်ကြရတယ်။ ရုံးပိတ်ရက်တစ်ရက်မှာ လင်မယားနှစ်ယောက် စကားများရန်ဖြစ်ကြပြန်တယ်။ ဒီတစ်ခေါက်တော့ ဇနီးလုပ်သူက မခံမရပ်နိုင်ဖြစ်ပြီး ကွာရှင်းဖို့ ရှေ့နေတစ်ဦးဆီရောက်လာခဲ့တယ်။

“ကျွန်မရဲ့ အိမ်ထောင်ရေး အဆင်မပြေဘူး.. ကျွန်မဘယ်လိုလုပ်ရမလဲ”

အမျိုးသမီးရှင်းပြတာကို နားထောင်ပြီး ရှေ့နေကမဖြေခင် မေးခွန်းတစ်ခုထုတ်လိုက်တယ်။

“ကုန်အပြည့်တင်ထားတဲ့ ကုန်ကားတစ်စီးက တံတားတစ်ခုကို ဖြတ်မယ်ဆိုပါစို့.. ကားပေါ်မှာရှိတဲ့ ကုန်တွေက တံတားဘောင်ထက် နည်းနည်းမြင့်နေတယ်။ ကားပေါ်ကကုန်ကိုမချဘဲ တံတားကလွတ်အောင် ဘယ်လိုမောင်းမလဲ?”

အမျိုးသမီးက ရှေ့နေရဲ့အမေးကို အတန်ကြာစဉ်းစားပေမယ့် အဖြေမထွက်ခဲ့ဘူး။ နောက်ဆုံး ရှေ့နေရဲ့ အရိပ်အမြွက်ကြောင့် “ဘီးကို လေနည်းနည်းလျော့လိုက်မယ်” လို့ သူဖြေခဲ့တယ်။

“သိပ်မှန်တာပေါ့... ဘီးကို လေလျော့လိုက်ရင် ကားနိမ့်သွားလိမ့်မယ်။ ဒါမှ တံတားကို ဖြတ်လို့ရမယ်။ ဒီလိုပဲ... အိမ်ထောင်ရေးအပေါ်ထားတဲ့ ကိုယ်တောင်းဆိုမှုတွေ အရမ်းမြင့်နေသလား! အိမ်ထောင်ရေးဆိုတဲ့ ဒီကားကြီး အလွယ်တကူမောင်းနှင်နိုင်ဖို့ ကိုယ့်ရဲ့လေ (စိတ်)ကိုလည်း လျော့သင့်တယ်မဟုတ်လား!”

ရှေ့နေပြောတာကို နားထောင်ပြီး အမျိုးသမီးက “ဟုတ်ကဲ့.. ဘယ်လိုလုပ်ရမယ်ဆိုတာ ကျွန်မသိပါပြီ” ဆိုပြီး ပြန်သွားခဲ့တယ်။ အဲဒီနောက်ပိုင်း အိမ်ထောင်ရေးအပေါ်ထားသင့်တဲ့ လျှို့ဝှက်ချက်တချို့ကို သူမရှာတွေ့ခဲ့တယ်။ ခွင့်လွတ်သည်းခံတာတွေ၊ လေးစားမြတ်နိုးမှုတွေ၊ အနိုင်မယူ နောက်ဆုတ်တတ်မှုတွေနဲ့ မိမိစိတ်ကို လျော့ချတတ်မှုတွေကြောင့် သူတို့ရဲ့ အိမ်ထောင်ရေးဟာ တဖြေးဖြေး ရန်လိုမှုတွေနည်းလာပြီး ပျော်ရွှင်မှုတွေ များလာခဲ့တယ်။

တကယ်တော့ အိမ်ထောင်ရေးက ကားတစ်စီးနဲ့တူတယ်။ အဲဒီကားပေါ်မှာ ကျွန်မတို့ဘဝရဲ့ မျှော်လင့်ချက်၊ အိပ်မက်တွေကို တင်ဆောင်ထားတယ်။ ကားက ကုန်အပြည့်နဲ့ ရှေ့ကိုမောင်းနှင်နေစဉ်မှာ ကျွန်မတို့က ဘီးကို လေဖြည့်ပေးတတ်ရမယ်။ ဒါမှ ကားက ရှေ့ကိုအလွယ်တကူသွားနိုင်မယ်။ ထို့အတူ အခက်အခဲ၊ အတားအဆီးဖြစ်တဲ့ တံတား၊ လိုဏ်ခေါင်းတွေနဲ့ တွေ့တဲ့အခါ ကျွန်မတို့က ဘီးလေကို လျော့ပေးတတ်ရမယ်။ ဒါမှ အိမ်ထောင်ရေးဆိုတဲ့ကားကြီးက ဘဝရဲ့အတားအဆီး၊ အခက်အခဲတွေကို အလွယ်တကူ ကျော်ဖြတ်နိုင်မှာဖြစ်တယ်။

အသေအချာစဉ်းစားကြည့်ရင် အိမ်ထောင်ရေးတင်မကပါဘူး... လူ့ဘဝရဲ့ အရာအားလုံးမှာလည်း အခက်အခဲ၊ အတားအဆီးတွေ ရှိနိုင်တယ်။ လူအချင်းချင်းဆက်ဆံရာမှာလည်း တစ်ယောက်ကိုတစ်ယောက် အလျော့မပေးဘဲ တင်းခံကြရင် နောက်ဆုံးမှာ နှစ်ဖက်လုံး ထိခိုက်ဒဏ်ရာရကြရတယ်။ အချင်းချင်း စိတ်(လေ)လေး နည်းနည်းလျော့ခဲ့ကြရင် အရာအားလုံးက အဆင်ပြေပြီး ဘဝရဲ့ဘီးလုံးက ရှေ့ကို ရှောရှောရှူရှူနဲ့ ဆက်လှိမ့်နိုင်မှာဖြစ်ပါတယ်။

original from : အိမ်ထောင်ရေးဆိုတဲ့ ကားတစ်စီး 婚姻就像一辆车 http://www.duwenzhang.com

နိုင်းနိုင်းစနေ ဘာသာပြန်သည်။

တန်းဖိုး ထား မြတ် နိုးပါ

တစ်ခါက ရှင်ဘုရင်တစ်ပါးဟာ ပန်းခြံထဲ ခြေစင်္ကြာဖြန့်နေတုန်း လှပတဲ့ မြွေလေးတစ်ကောင် စည်းရိုးနားက ဆူးခက်တွေကြားမှာ ငြိနေတာကို တွေ့လိုက်တယ်။ မြွေငယ်ကို ဘုရင်က ကယ်တင်လိုက်တယ်။

နောက်တစ်နေ့ ဘုရင်ကြီး ပန်းခြံထဲ လှည့်လည်နေတုန်း အ၀တ်အစား သပ်သပ်ရပ်ရပ် ၀တ်ဆင်ထားတဲ့ ပုဂ္ဂိုလ်တစ်ဦးကို တွေ့လိုက်တယ်။
"အသင်ဟာ ဘယ်သူလဲ..? ဘယ်နည်းနဲ့ နန်းတော်ထဲ ကျူးကျော်ဝင်ရောက်လာသလဲ"

"မထိတ်လန့်ပါနဲ့ အရှင်။ ကျွန်တော်မျိုးက နဂါးမင်းပါ။ ကျေးဇူးဆပ်ဖို့အတွက် ရောက်ရှိလာခြင်း ဖြစ်ပါတယ်"

"ဘာကျေးဇူးများလဲ"

"မနေ့က ကျွန်တော့်မျိုး သမီးလေး အရှင်ပန်းခြံထဲက ပန်းများကိုရှုစားရင်း စည်းရိုးမှာ ငြိနေခဲ့တယ်။ အရှင်ကယ်တင်ခဲ့လို့ သမီးတော်လေး နေလောင်ခြင်းမှာ လွှတ်ကင်းခဲ့ရတဲ့အတွက် ကျေးဇူးဆပ်ချင်ပါတယ်။ အရှင်လိုရာ ပြောပါ။ ကျွန်တော်မျိုး ကူညီဖို့အသင့်ပါ"

"အင်း...နန်းတော်မှာ အဖိုးတန်ပစ္စည်းတွေ အများအပြားရှိတယ်။ ဘာမှလိုလေသေး မရှိဘူးဆိုပေမဲ့ သတ္တ၀ါတို့ရဲ့ ဘာသာစကားကို အကျွန်ုပ်တတ်ချင်တယ်။ အကျွန်ုပ်က ကျေးငှက်တိရိစ္ဆာန်တွေကို ချစ်ခင်နှစ်သက်တယ်။ ဒါပေမဲ့ သူတို့ဘာတွေပြောနေမှန်း နားမလည်ခဲ့ဘူး"

"ဒါ မခက်ခဲပါဘူး အရှင်။ သူတို့ရဲ့ စကားကို နားလည်ချင်ရင် ဒီနေ့ကစပြီး သူတို့ရဲ့အသားကို မစားပါနဲ့။ သူ့အသားကိုစားပြီး သူ့စကားကို နားလည်တာမျိုးက မဖြစ်နိုင်ဘူး။ သက်သတ်လွတ်စားပြီး ခုနှစ်ရက်အတွင်း သူတို့စကားကို အရှင်နားလည်လာပါလိမ့်မယ်။ ဒါပေမဲ့ ဒီကိစ္စကို အရှင်လျှို့ဝှက်ထားရမယ်။ တစ်ယောက်ယောက်က သိသွားရင် အစွမ်းပြယ်သွားလိမ့်မယ်"

နဂါးမင်းက ပြောပြောဆိုဆို ပျောက်ကွယ်သွားတယ်။ ဘုရင်ကြီးက နဂါးမင်းပြောတဲ့အတိုင်း လိုက်နာခဲ့တယ်။ ခုနှစ်ရက်ရောက်တော့ ဘုရင်ကြီး စားပွဲတော်ခံနေတုန်း ပိုးဖလံနှစ်ကောင်ရဲ့ အသံကိုကြားလိုက်တယ်။

ပိုးဖလံတစ်ကောင်က "တော်... ဟိုကြမ်းပြင်မှာကျနေတဲ့ ထမင်းစေ့ကို သွားကောက်ပါလား" လို့ပြောတော့ နောက်ပိုးဖလံတစ်ကောင်က "စားချင်ရင် ကိုယ်တိုင်သွားကောက်ပါလား"

"ကျုပ်မပျံနိုင်လို့ တော့်ကို ကောက်ခိုင်းတာပေါ့။ အစကတော့ ချစ်ပါတယ်ဆို ခုတော့ ထမင်းတစ်စေ့ သွားကောက်ဖို့တောင် တော်မလုပ်နိုင်တော့ဘူးလား"

"အစားပဲရှိပြီ အလှုပ်မရှိလို့ ၀နေတာပေါ့။ ၀ိတ်လျှော့ပါဆိုတော့ မလျှော့ဘူး။ ဘုရင်နဲ့ မိဖုရားရှေ့မှာ ကျုပ်ကို ထမင်းသွားကောက်ခိုင်းတာ သေခိုင်းတာနဲ့အတူတူပဲ။ ဘာလဲ မင်းနောက်မီးလင်းနေလို့ ငါ့ကို သေကြောင်းကြံတာလား"

ပိုးဖလံနှစ်ကောင် အချီအချပြောနေတဲ့ စကားကိုကြားတော့ ဘုရင်ကြီးက မအောင့်နိုင်ဘဲ ရယ်မိတော့တယ်။ ရုတ်တရက် ထရယ်တဲ့ ဘုရင်ကို မိဖုရားက ဘာကြောင့်ရယ်တာလဲ မေးတော့ ဘုရင်က ဘာမှမဟုတ်ကြောင်း လက်ကာပြတယ်။

ထမင်းစားပြီး မိဖုရားနဲ့ ရေနွေးကြမ်းသောက်နေတုန်း အိမ်ခေါင်မိုးပေါ်က အိမ်မြှောင်နှစ်ကောင်ရဲ့ စကားပြောသံကို ဘုရင်က ကြားလိုက်မိပြန်တယ်။

"ဘေးဖယ် ရှင်မရေ.."

"ဒီလောက်ညဥ့်နက်နေပြီ ရှင်ဘယ်သွားမလို့လဲ။ ဘေးအိမ်က မုဆိုးမဆီ သွားမလို့လား"

"ဟာ.. ဒီမိန်းမ ငါဘယ်နှစ်ခါ ပြောရမလဲ။ ဘေးအိမ်ကနဲ့ ငါ ဘာမှမပတ်သက်ဘူး။ လူတကာကို မစွပ်စွဲနဲ့"

"အော်... ကျေးဇူးကန်းရဲ့.. ရှင်က သူ့ကို ကာဆီးကာဆီး လုပ်တာလား။ နေ့တိုင်းပဲ အဲဒီမိန်းမကြောင့် ကျုပ်တို့ စကားများရတယ်။ မပတ်သက်ရင် ဘာဖြစ်လို့ ခဏခဏ သွားနေရတာလဲ"

"ငါ ဘေးအိမ်ကို သွားတာမဟုတ်ဘူး။ မင်း ပူညံပူညံလုပ်လွန်းလို့ နားအေးပါးအေး အပြင်ထွက်ရှောင်မလို့.. ဖယ်စမ်းပါ"

"မဖယ်နိုင်ဘူး ရှင်ရေ... အစကတော့ ကျွန်မကို မခွဲမခွါဘဲ တစ်သက်လုံးချစ်မယ်ဆို။ အခုယူတာ တစ်လတောင် မရှိသေးဘူး။ ရှင်က ကျုပ်ကို ခွါချင်ပြီလား"

အိမ်မြှောင်နှစ်ကောင် လုံးရင်းဆန်ရင်း ခေါင်မိုးပေါ်က ပြုတ်ကျလာပြီး အမြီးတွေ ပြတ်ကုန်တယ်။ "တောက်.. ဒီတစ်လ အမြီးပြတ်တာ သုံးခါရှိပြီကွ" ဒေါနဲ့မောနဲ့ ပြောလိုက်တဲ့ အသံကိုကြားတော့ ဘုရင်ကြီးက မအောင့်နိုင်ဘဲ ရယ်မိပြန်တယ်။ မိဖုရားက မေးတော့ ဘုရင်က ဘာမှမဟုတ်ကြောင်း လက်ကာပြပြန်တယ်။

အဲဒီနေ့ကစပြီး ဘုရင်ဟာ ရုတ်တရက် ထထရယ်နေတတ်တယ်။ ကြုံရဖန်များလာတော့ မိဖုရားက "ဘုရင်ကြီး တစ်ခုခုကို လျှို့ဝှက်ထားပုံရတယ်။ ငါ့အသက်နဲ့ မခြိမ်းခြောက်ခဲ့ရင် သူပြောပြမှာ မဟုတ်ဘူး" ဆိုပြီး ဘုရင်ကြီးရယ်တဲ့ အကြောင်းရင်းကို မပြောပြရင် ကိုယ့်ကိုအဆုံးစီရင်မယ်လို့ မိဖုရားက ခြိမ်းခြောက်တော့တယ်။

ဘုရင်ကြီးက လျှို့ဝှက်ချက်ကို မပြောပြချင်တော့ "ခဏနေအုန်း.. ကျုပ်အပြင်ထွက်ပြီး စိတ်အပန်း ဖြေလိုက်အုန်းမယ်။ ပြန်လာရင် ပြောပြမယ်" ဆိုပြီး ထွက်ခဲ့တယ်။ နန်းတော်ရဲ့ တစ်နေရာ ဆိတ်ခြံကိုတွေ့တော့ ဆိတ်နှစ်ကောင် စကားပြောနေတာကို ဘုရင်ကြီးက ကြားမိတယ်။

"ကျွန်မမှာ ကိုယ်လေးလက်ဝန်နဲ့ ကျွန်မကို ချီပိုးစမ်းပါ"
"လမ်းလျှောက်နေရက် အကောင်းကြီးကနေ ကျုပ်ကို ဘာလို့ပိုးခိုင်းရတာလဲ"
"ရှင်မပိုးရင် ကျွန်မကိုယ်ကျွန်မ သတ်သေလိုက်မှာနော်"
"ရော်... ဘယ်နှယ့် အဲဒီလို တုံးအတဲ့အတွေးရှိရတာလဲ ရှင်မရယ်။ အဲဒီစကား ဘယ်က သင်ခဲ့တာလဲ ပြောစမ်း"

"ခုနားက ဘုရင်နဲ့ မိဖုရား ပြောနေတာကို ကြားလိုက်လို့ပါ။ မိဖုရားက ကိုယ့်ကိုယ် သတ်သေ မယ်ဆိုပြီး တောင်းဆိုတာကို ဘုရင်က ချက်ချင်းပဲ လိုက်လျှောခဲ့တယ်။ ကိုယ့်ကိုယ်သတ်သေတယ်ဆိုတာ လက်နက်ကောင်း တစ်မျိုးပဲ။ ဒါကြောင့် ရှင် ကျွန်မကို အရင်ကလို ချစ်သေးလား...? မချစ်ဘူးလားလို့ စမ်းကြည့်တာ"

"ဟား...ဟား.. မင်း အရမ်းတုံးအတာပဲ။ ကိုယ့်ကိုယ်အဆုံးစီရင်တယ်ဆိုတာ ကမ္ဘာပေါ်မှာရှိသမျှ အပြုအမှုထဲက ရယ်စရာအကောင်းဆုံးနဲ့ အတုံးဆုံး။ သတ္တ၀ါတွေထဲမှာ လူတွေကလွဲရင် ဘယ်သတ္တ၀ါကမှ ကိုယ့်ကိုယ် အဆုံးစီရင်တဲ့လမ်း မရွေးဘူး။ သတ္တ၀ါတိုင်းက ကိုယ့်အသက်ကို ကိုယ်ချစ်တယ်။ ကိုယ့်အသိနဲ့ ကိုယ်အသက်ရှင်တယ်။ ကိုယ့်ကိုယ်အဆုံးစီရင်တာကို တစ်ခြားလူက ကြားခံပြီး လာသေပေးလို့မရဘူး။ လူတွေလို ကိုယ့်ကိုယ်အဆုံးစီရင်ချင်သလား..? ကိုယ့်ကိုယ် ဆိတ်ပီသအောင် ကျင့်ကြံမလား..? ကြိုက်ရာလမ်းကို ရွေးပေးတော့"

ဆိတ်ဖို ပြောစကားကို နားထောင်ပြီး ဆိတ်မ ငြိမ်ကုတ်သွားတယ်။ ဘုရင်က သူတို့ပြောတဲ့ စကားကိုနားထောင်ပြီး "ငါဟာ တိုင်းပြည်ရဲ့ အရှင်သခင် ဘုရင်လို့သာပြောတယ်။ ငါ့ရဲ့ အသိဥာဏ်က ဆိတ်တစ်ကောင်ရဲ့ အသိဥာဏ်လောက် တောင် မရှိပါလား" လို့ တွေးမိပြီး မိဖုရားကို ပြောပြဖို့ နန်းတော်ထဲ ပြန်ခဲ့တယ်။

မိဖုရားကိုတွေ့တော့ ဘုရင်က"နှမတော်နဲ့ အတူနေချိန် မောင်တော်အမြဲရယ်ဖြစ်တာက ဟိုးအရင်က နှမတော်နဲ့အတူ ပျော်ပါးခဲ့တဲ့ အချိန်တွေကို ပြန်အောက်မေ့ သတိရမိလို့ပါ။ စားသောက်နေချိန်မှာလဲ သတိရတယ်။ အပန်းဖြေချိန်မှာလဲ သတိရတယ်။ အစဉ်အမြဲ သတိရနေလို့ပါပဲ နှမတော်"

"ဒါဆိုရင် ဘာဖြစ်လို့ အစကတည်းက မပြောတာလဲ"

"စိတ်ထဲမှာ ထားပြီး တမြေ့မြေ့နဲ့ အောက်မေ့နေရတာက ပိုချိုမြိန်တယ်လေ နှမတော်။ အမွှေးရနံ့တွေ ထည့်ထားတဲ့ ပုလင်းတစ်လုံးလိုပေါ့။ အဖုံးဖွင့်လိုက်ရင် ရနံ့တွေပြန့်လွှင့်ကုန်တယ်"

ဘုရင်ရဲ့ နားဝင်ချိုတဲ့ စကားကိုကြားတော့ မိဖုရားက ၀မ်းသာပီတိဖြစ်ရတယ်။ ဘုရင်က ရုတ်တရက် ပိုးဖလံနှစ်ကောင်ရဲ့ စကားကို ကြားလိုက်မိတယ်။

"လူတွေရဲ့ စကားချိုချို ပြောတတ်တဲ့ အကျင့်ကို အတုယူထားစမ်းပါ"
"ရှင်လဲကျွန်မကို အဲဒီလို စကားမျိုးပြောရင် ရှင့်ကိုကျွန်မ ရန်မရှာတော့ဘူး"
ဘုရင်ကြီး ရယ်လိုက်မိပြန်တယ်။

"နှစ်သက်တယ်"ဆိုတာ အချစ်ရဲ့ခပ်ဖျော့ဖျော့အရောင်လေး
"ချစ်တယ်"ဆိုတာ နှစ်သက်တာရဲ့ ခပ်ရင့်ရင့်အရောင်လေးပေါ့။

အချစ်တွေ အများကြီးရလိုက်လို့ ဘ၀ဟာ ပြီးပြည့်စုံသွားမှာ မဟုတ်ဘူး။
အချစ်တွေ အများကြီးပေးဆပ်လိုက်ရလို့ ဘ၀ဟာ ပိုတန်ဖိုးရှိသွားတာ။

လမ်းတစ်နေရာမှာ ဆုံကြတဲ့ ပုရွက်ဆိတ်လေး နှစ်ကောင်လိုပေါ့။ ကိုယ့်ခေါင်းပေါ်က အမွေးနဲ့ အချင်းချင်းထိတွေ့ နှုတ်ဆက်ကြပြီး ဆန်ကျင့်ဖက်ကို လမ်းခွဲလျှောက်ခဲ့ကြတယ်။ ဦးတည်ရာဖက်ကို တစ်ရွေ့ရွေ့ တွားသွားရင်း ကျယ်ပြန့်တဲ့ ဒီဟင်းလင်းပြင်ကြီးမှာ ခန္ဓာကိုယ်သေးငယ်တဲ့ ပုရွက်ဆိတ်နှစ်ကောင် ဘယ်နေရာမှာ ထပ်ပြန်ဆုံခွင့် ရကြမလဲ?

စကြ၀ဠာနဲ့ နှိုင်းယဉ်ကြည့်ရင် ကျွန်မတို့ လူဆိုတာ မျက်စိနဲ့တောင် မမြင်နိုင်တဲ့ အမှုန်လေးပါ။ ဘယ်နေရာ ဘယ်အချိန်မှာ ပုရွက်ဆိတ်လေးနှစ်ကောင်လို့ အချင်းချင်း ထိတွေ့ခွင့်ရနိုင်မလဲ..? နှုတ်ဆက်ခွင့်ရနိုင်မလဲ?

လူ့ဘ၀ထဲ တစ်ခါရောက်လာဖို့ လွယ်ကူပါသလား?
လူချင်းတစ်ခါလောက် ရင်းနှီးနှုတ်ဆက်ဖို့ လွယ်ကူပါသလား?
သူငယ်ချင်းလို့ အမည်တပ်ဖို့ လွယ်ကူပါသလား?
စကားလေး တစ်ခွန်းပါပဲ ....
"တန်ဖိုးထား မြတ်နိုးပါ"

တရုတ်စကားပုံ တစ်ခုက ဒီလိုပြောပါတယ်။
"ရှေးကံကြောင့် မိုင်ပေါင်းထောင်ချီ ဝေးနေကြသူတွေ တွေ့ဆုံရင်းနှီးခွင့် ရကြတယ်။ ကံမပါရင် ပုခုံးချင်း ရှပ်တိုက်သွားတာတောင် ရင်းနှီးခွင့် မရဘူး" တဲ့.....

နိုင်းနိုင်းစနေ

အသိဥာဏ် + ကိုယ်ကျင့် တရား

အသိဥာဏ် + ကိုယ်ကျင့်တရား

.

တစ်ခါက အသံလွှင့်ဌာနတစ်ခုသည် စီးပွားရေးနယ်ပယ်တွင် အောင်မြင်နေသော လူငယ်တစ်ဦးကို အင်တာဗျူးလေသည်။ အင်တာဗျူး၏ နောက်ဆုံးတွင် ထုံးစံအတိုင်း မေးမြန်းသူက လူငယ်အား....
“အောင်မြင်ဖို့အတွက် ဘယ်အရာက အရေးပါဆုံးလို့ ထင်ပါသလဲ” ဟုမေးခဲ့သည်။ လူငယ်မှာ ခဏမျှစဉ်းစားပြီး အဖြေကို တိုက်ရိုက်မဖြေဘဲ အောက်ပါ ပုံပြင်ကို ပြောပြသွားခဲ့သည်။

“လွန်ခဲ့တဲ့(၁၂)နှစ်တုန်းက လူငယ်တစ်ဦးဟာ ကျောင်းပြီးတာနဲ့ ပြင်သစ်ကို သွားပြီး အလုပ်တစ်ဘက် ကျောင်းတစ်ဘက်နဲ့ ပညာဆက်သင်ခဲ့တယ်။ ပြင်သစ်ကို ရောက်ပြီး မကြာဘူး သူဟာ ပြင်သစ်က ကားဂိတ်၊ ရထားဂိတ်တွေမှာ လက်မှတ်စစ်တွေ ၊ လက်မှတ်ပြရတဲ့ နေရာတွေ မရှိကြောင်း သတိပြုမိတယ်။ ကားပေါ် ရထားပေါ်မှာလဲ လက်မှတ်စစ်တွေ လာစစ်တာ အင်မတန်နည်းကြောင်း သတိထားမိပြန်တယ်။ တကယ်လို့ လာစစ်ခဲ့ရင်လဲ ဖမ်းမိမဲ့ကိန်းဟာ လူတစ်သောင်းမှာ တစ်ယောက်တောင် မရှိနိုင်ဘူးလို့ သူတွက်မိပြန်တယ်။ အဲလိုနဲ့ သူဦးနှောက်ကို တစ်ချက် ကစားလိုက်ပြီး ကားစီးတိုင်းသူဟာ လက်မှတ် မ၀ယ်ဘဲ စီးခဲ့တယ်။ ကိုယ့်ကိုယ်ကိုလဲ ငါဟာ အလုပ်လုပ်ပြီး ကျောင်းတက်နေရတဲ့ ကျောင်းသားတစ်ယောက် ချွေတာနိုင်သမျှ ချွေတာမယ်လို့ နှစ်သိမ့်ခဲ့မိတယ်။

အဲဒီလိုနဲ့ ၄ နှစ်ဆိုတဲ့အချိန် ကုန်လွန်သွားခဲ့တယ်။ နာမည်ကြီး တက္ကသိုလ်တစ်ခုရဲ့ ကျောင်းသား၊ အကျင့်စာရိတ္တ ကောင်းမွန်တဲ့ ကျောင်းသားအဖြင့် သူဟာ ဘွဲ့ရခဲ့တယ်။ ဘွဲ့ရတော့ ပဲရစ်မြို့မှာရှိတဲ့ နိုင်ငံခြား ကုမ္ပဏီတွေမှာ သူအလုပ် လျောက်ခဲ့တယ်။ မိမိကိုယ်ကို ယုံကြည်မှု အပြည့်နဲ့ပေါ့။ ဒါပေမယ့် လျောက်လိုက်တဲ့ အလုပ်တိုင်း သူ အပယ်ခံခဲ့ရတယ်။

အလုပ် စလျောက်တော့ ကုမ္ပဏီတွေက သူ့ကို ၀မ်းသာ အားရကြိုဆိုပြီး အင်တာဗျူးတွေ ဗျူးခဲ့ကြတယ်။ နောက်တော့ ပယ်ပစ်လိုက်ကြတယ်။ ဘာအကြောင်းကြောင့် ပယ်တာလဲဆိုတာ သူတော်တော်သိချင်ခဲ့တယ်။ နောက်ဆုံး ကုမ္ပဏီ တစ်ခုကို သူ အီးမေးလ်ပို့ပြီး အပယ်ခံရတဲ့ အကြောင်းရင်းကို မေးခဲ့တယ်။

ပြန်စာရတော့ စာက အောက်ပါအတိုင်း ရေးထားတယ်။ ခင်ဗျားရဲ့ပညာနဲ့ ထူးချွန်မှုကို ကျွန်တော်တို့ သဘောကျခဲ့တယ်။ ဒါပေမယ့် ခင်ဗျားရဲ့ ကိုယ့်ကျင့်တရားနဲ့ ယုံကြည်မှု အတိုင်းအတာကို ကျွန်တော်တို့ ပြန်စစ်ဆေးကြည့်တော့ ခင်ဗျားဟာ လက်မှတ်မပါဘဲ ကားခိုးစီးမှုအတွက် ဒဏ်ငွေသုံးကြိမ် ဆောင်ခဲ့ရကြောင်း ကို ကျွန်တော်တို့ ၀မ်းနည်းစွာ သိခဲ့ရတယ်။ ဒီကိစ္ခနဲ့ ပတ်သက်ပြီး ကျွန်တော်တို့ ကောက်ချက်ချမိတာက.....
(၁) ခင်ဗျားဟာ စည်းကမ်းမလိုက်နာသူ
(၂) ခင်ဗျားဟာ ယုံကြည်ဖို့ မထိုက်တန်တဲ့သူ
အဲဒီအချက် နှစ်ချက်ကြောင့် ခင်ဗျားကိုကျွန်တော်တို့ ကုမ္ပဏီမှာ မသုံးခြင်း ဖြစ်ပါတယ်။

အဲဒီ စာကို ဖတ်ပြီးမှ လူငယ်ဟာ အိပ်မက်ဆိုးက လန့်နိုးလာသလိုပဲ တုန်လှုပ်ချောက်ချား မိခဲ့တယ်။ အီးမေးလ်ရဲ့ နောက်ဆုံးမှာ ဒီလို ရေးထားသေးတယ်....
“အသိဥာဏ်၏ ချွတ်ယွင်းမှုကို ကိုယ့်ကျင့်တရားက အမြဲတမ်းလိုက် ဖြည့်စွက်ပေးတယ်။ ဒါပေမယ့် ကိုယ်ကျင့်တရားရဲ့ ချွတ်ယွင်းမှုကို အသိဥာဏ်က ဘယ်တော့မှ လိုက်မဖြည့်စွက်ပေးနိုင်ဘူး။”
အဲဒီ အီးမေးလ်ရပြီး နောက်တရက်မှာ လူငယ်ဟာ သူ့နိုင်ငံကို ပြန်သွားခဲ့တယ်။ ကျွန်တော် ပြောချင်တာကတော့ ဒါပါပဲ....

လူငယ်ရဲ့ စကားအဆုံး အင်တာဗျူးသူများ ခဏမျှ တိတ်ဆိတ်သွားခဲ့သည်။ တစ်ယောက်က....
“ဒါဟာ အောင်မြင်ဖို့အတွက် အရေးပါတဲ့ အချက်လို့ ပြောနိုင်လား”
“ပြောနိုင်ပါတယ်။ ဘာဖြစ်လို့လဲ ဆိုတော့ အဲဒီပုံပြင်ထဲက လူငယ်ဟာ ကျွန်တော်ဖြစ်နေလို့ပါပဲ။ ကျွန်တော်ဒီနေ့လို အောင်မြင်လာရခြင်းဟာလဲ မနေ့က အမှားကို ဒီကနေ့အတွက် သင်္ခန်းစာအဖြင့် ခံယူထားလို့ပါပဲ”

ရေးသားသူ... နိုင်းနိုင်းစနေ a

ပန်းကလေးတစ်ပွင့် 

တခါက သေးငယ်သော ပန်းကလေးတပွင့်သည် သစ်ပင်ကြီး တပင်အောက်ရှိ အရိပ်၌ မှီခိုပြီး ပေါက်နေသည်။ သစ်ပင်ကြီးက သူ့အား မိုးဒဏ် လေဒဏ် ကာကွယ် ပေးထားသည်ဟု ဆိုပြီး ပန်းကလေးမှာ ပျော်ရွှင်နေခဲ့သည်။ တနေ့တွင် လူတစု ရောက်ရှိလာပြီး သစ်ပင်အား ခုတ်ယူသွားခဲ့သည်။ ပန်းကလေးမှာ ၀မ်းနည်းပြီး ငိုကြွေးလေသည်။ “ ဘယ်လိုလုပ်မလဲ င့ါကို အမြဲ အကာအကွယ်ပေးတဲ့ သစ်ပင်ကြီးမရှိတော့ဘူး။ လေတွေ မိုးတွေက ငါ့ကိုလဲပြိုအောင် တိုက်ကြတော့မယ်”

သူ၏ငိုသံကိုကြားသော အနီးရှိ သစ်ပင်တပင်က.....
“အဲဒီလို မတွေးနဲ့လေ။ သစ်ပင်ရဲ့ အရိပ်မရှိတော့ နေရောင်ခြည်က ခင်ဗျားကို စောင့်ရှောက်လိမ့်မယ်။ နှင်းစက်တွေက ခင်ဗျားကို ရေဓာတ်တွေပေးလိမ့်မယ်။ ခင်ဗျားရဲ့ သေးငယ်တဲ့ ခန္စာကိုယ်ဟာ သူတို့ရဲ့ အကူအညီနဲ့ သန်မာလာလိမ့်မယ်။ ခင်ဗျားရဲ့ ကိုယ်ပေါ်မှာ ပန်းတွေဝေပြီး နေရောင်ခြည်အောက်မှာ ခင်ဗျားဟာ ပိုလှနေလိမ့်မယ်။ လူတွေတွေ့ရင် ဒီပန်းကလေးဟာ လှလိုက်တာလို့ ချီးကျူးကြလိမ့်မယ်”

တိမ်ညိုတွေ မရှိခဲ့ရင်၊ မိုးသက်လေပြင်းတွေ မကျခဲ့ရင် လှပတဲ့ သက်တန့်ဆိုတာ ရှိလာမှာ မဟုတ်ဘူး။ (. . . .)

ရေးသားသူ... နိုင်းနိုင်းစနေ

ဆင်းရဲ သား တွေ " ဘာ" လိုသလဲ

ဒီစာအုပ် ဒီပုံပြင်ကို ဖတ်ဖူး၊ ကြားဖူးသူတွေ ရှိကောင်းရှိလိမ့်မည်။ ဆင်းရဲတဲ့ လူတွေ“ဘာ” အလိုအပ်ဆုံးလဲ “ငွေကြေး”ဟု လူတိုင်း ဖြေမည်မှာ ဧကန်မလွဲပေ။ သို့သော်.. ကျွန်မ ဖတ်ဖူးသော ပုံပြင်လေး တစ်ပုဒ်ကို ဘာသာပြန် မျှဝေ လိုက်ပါသည်။

============

ပြင်သစ်နိုင်ငံတွင် Balaang ဟုခေါ်သော လူတစ်ဦးသည် ပုံတူ ပန်းချီကားများ ရောင်းဝယ်ခြင်းဖြစ် အသက်မွေးဝမ်းကျောင်းခဲ့သည်။ အချိန်(၁၀)နှစ် မတိုင်မီ ပြင်သစ်နိုင်ငံရှိ အချမ်းသာဆုံး စာရင်းဝင် လူ(၅၀)တွင် တစ်ဦး အပါအ၀င်ဖြစ်ခဲ့သည်။ (၁၉၉၈)ခုနှစ်တွင် ကင်ဆာရောဂါဖြင့် ကွယ်လွန်ခဲ့ပြီး မကွယ်လွန်မီ မိမိ၏ ခန္စာကိုယ်အား ဆေးရုံတွင် လှူဒါန်းခဲ့သည့် အပြင် ပြင်သစ်ငွေ ၁၀၀ မီလီယံကို ဆင်းရဲခြင်းဟုသော လျှို့ဝှက်တံခါးကို ဖွင့်နိုင်သူအား ဆုငွေအဖြင့် ပေးရန် ချန်ထားရစ်ခဲ့သည်။

သူကွယ်လွန်ပြီး မကြာမီ ပြင်သစ်နိုင်ငံရှိ သတင်းစာ တစ်စောင်တွင် သူရေးခဲ့သော သေတမ်းစာကို ထုတ်ပြန်ကြေညာခဲ့သည်။ သူ၏ သေတမ်းစာမှား

“ကျွန်တော်ဟာ အရင်က ဆင်းရဲတဲ့ လူတစ်ယောက်ပါ။ ကွယ်လွန်တော့ သူဌေးဆိုတဲ့ ဂုဏ်ပုဒ်နဲ့ ကောင်းကင်ဘုံကို သွားရမယ့်လူပါ။ ကောင်းကင်ဘုံကို မ၀င်ခင် ကျွန်တော် ဘာကြောင့် သူဌေးဖြစ်ရတယ် ဆိုတဲ့ လျှို့ဝှက်ချက်ကို ကျွန်တော် သယ်မသွားချင်ပါဘူး။ အဲဒီလျှို့ဝှက်ချက်ကို ပြင်သစ်ဗဟိုဘဏ်က ကျွန်တော်ရဲ့ မီးခံ သေတ္တာထဲမှာ သိမ်းဆည်း ထားပါတယ်။ အဲဒီ သေတ္တာရဲ့ သော့သုံးချောင်းကို ကျွန်တော်ရှေ့နေနဲ့ ကိုယ်စားလှယ်နှစ်ဦးဆီမှာ အပ်နှံထားခဲ့တယ်။ ဆင်းရဲသားတွေ ဘာလိုအပ်လို့ ဆင်းရဲရတာလဲ ဆိုတဲ့ အမေးကို ဖြေဆိုနိုင်သူကို ကျွန်တော် ကောင်းချီး ပေးချင်ပါတယ်။ ဖြေဆိုနိုင်တဲ့သူကို ကျွန်တော် အခေါင်းထဲကနေ ထပြီး လက်ခုပ်တီး ကောင်းချီး မပေးနိုင်ဘူး ဆိုတာ သိပါတယ်။ ဒါပေမဲ့ ကျွန်တော်ရဲ့ မီးခံသေတ္တာထဲက ၁၀၀ မီလီယံကို ယူသွားခွင့် ရှိပါတယ်။ ဒါဟာ ကျွန်တော်ရဲ့ ကောင်းချီးသြဘာပါပဲ။”


သေတမ်းစာကို ထုတ်ပြန်ကြေညာပြီးနောက် သတင်းစာတိုက်သို့ စာများ အဆက်မပြတ် ရောက်လာခဲ့သည်။ ဆင်းရဲသားများ ဘာ အလိုအပ်ဆုံးလဲ ဟုသော မေးခွန်းကို ဖြေဆိ်ုသော အဖြေ စုစုပေါင်း (၄၈၅၆၁)ကို လက်ခံ ရရှိခဲ့သည်။ လူအများစုက ဆင်းရဲသားများ အလိုအပ်ဆုံးမှာ “ငွေကြေး”သို့မဟုတ် “ကြီးပွား တိုးတက်အောင် လုပ်ပိုင်ခွင့်၊ လုပ်နိုင်ခွင့် နည်းလို့” ဟု ဖြေဆိုထားကြသည့် အပြင် တချို့က “အကူအညီ မဲ့လို့” ဆင်းရဲနေကြခြင်း ဖြစ်သည်ဟုလည်း ဖြေထားကြသည်။

သူကွယ်လွန်သော နှစ်ပတ်လည် နေ့တွင် မီးခံသေတ္တာကို သက်သေများရှေ့၌ ဖွင့်ခဲ့သည်။ စာပေါင်း (၄၈၅၆၁) စောင်ရှိသည့်အနက် Tiller မည်သော ကလေးမလေး၏ အဖြေမှာ သူ၏ လျှို့ဝှက်ချက်နှင့် ကိုက်ညီခဲ့သည်။ ထိုအဖြေမှာ “ဆင်းရဲသားများ ဆင်းရဲနေခြင်းမှာ ရည်မှန်းတောင့်တချက်၊ ချမ်းသာလိုသော အာသီသ (ambition) ကင်းမဲ့သောကြောင့် ဖြစ်သည်”။

၉နှစ်သာရှိသေးသော Tiller အား ဘာကြောင့် စိတ်ဆန္ဒ အာသီသဟု ဖြေဆိုခဲ့ပြီး တစ်ခြားအဖြေကို မဖြေခဲ့ရသလဲ ဟုမေးသော် သူမက “၁၁နှစ်အရွယ် ကျွန်မအစ်မဟာ သူ့ချစ်သူကို အိမ်ခေါ်ပြန်လာတိုင်း စိတ်ဆန္ဒ မရှိနဲ့လို့ အမြဲသတိ ပေးတတ်ပါတယ်။ ဒါကြောင့် စိတ်ဆန္ဒ ဆိုတာ ကိုယ်လိုချင်၊ ဖြစ်ချင်တဲ့ အရာကိုရအောင် လုပ်ပေးနိုင်မယ်လို့ ထင်ခဲ့တာပါ” ဟုပြန်ဖြေခဲ့သည်။

သူဌေး၏ လျှို့ဝှက်ချက်သည် ပြင်သစ်၊ အမေရိကန်၊ အင်္ဂလန်စသော နိုင်ငံကြီးများကို တုန်လှုပ်စေခဲ့သည်။ နောင်တွင် မင်းသား၊ မင်းသမီးများနှင့် စီးပွားရေးလောကတွင် ထိပ်တန်း ရောက်နေသူများကို ထိုလျှို့ဝှက်ချက် နှင့် ပတ်သက်ပြီး အင်တာဗျူး ကြရာတွင် စိတ်ဆန္ဒသည် ထာဝစဉ် တည်မြဲစေသော ဆေးတစ်ပါးဖြစ်၏။ ထူးခြား အောင်မြင်သော အရာဝတ္ထုတိုင်း၏ မျိုးစေ့ဖြစ်သည် ဟုဖြေဆိုခဲ့ကြသည်။

လူအများ ဆင်းရဲနေရခြင်းမှာ သူတို့တွင် တူညီသော အားနည်းချက် တစ်ခုရှိသောကြောင့် ဖြစ်သည်။ ထိုအားနည်းချက်မှာ တကယ့်ချမ်းသာလိုသော စိတ်ဆန္ဒ ကင်းမဲ့သောကြောင့် ဖြစ်သည်။

===========

ချမ်းသာသော သူများ၏ အိတ်ကပ်ထဲတွင် ဆင်းရဲသော သူများ၏ အိပ်မက်ကို အမြဲထည့်ထား တတ်ကြပါသလား.... သင်၏ မျှော်လင့်ချက်၊ သင်၏အိပ်မက်နှင့် ကြိုးစားလိုစိတ်ကို သင့်ထွေးပွေ့ ထားလျှင် လမ်းဆုံးကို မရောက်မချင်း သင်သည် ဆင်းရဲသောသူ မဖြစ်နိုင်...

ဆင်းရဲသား နောက်ဆက်တွဲ

အဲဒီပုံပြင်ကို ဖတ်ပြီး နောက်ဆက်တွဲ တွေးမိတာလေးတွေပါ။ ကြီးပွားလိုတဲ့ စိတ်ဆန္ဒ၊ ချမ်းသာလိုတဲ့ အာသီသ ဘယ်သူမရှိလဲ ဆိုတဲ့ ကပ်သပ်တဲ့ မေးခွန်းကို ကိုယ့်ကိုယ်တိုင် မေးကြည့်မိတယ်။ လူတိုင်း သူဌေးဖြစ်ချင်ကြ တာပဲ။ ဒါပေမယ့် တစ်ချို့နေရာတွေမှာ မိမိလိုချင်တဲ့ ဆန္ဒကို အရောင်အမျိုးမျိုး ဆိုးခဲ့ကြတယ်။ တစ်ချို့အရာတွေဟာ စိတ်ဆန္ဒ မဟုတ်တော့ဘဲ လိုချင်တပ်မက်တဲ့ အတ္တဖြစ်သွားခဲ့တယ်။ ပုံပြင်ထဲက သူဌေးကြီးပြောချင်တဲ့ စိတ်ဆန္ဒဆိုတာ နေရာ တစ်နေရာ ရချင်လို့၊ တစ်ခုခုရယူချင်လို့ အာဏနဲ့ သိမ်းပိုက် လိုက်တာမျိုး မဟုတ်ဘဲ အမြင့်ကို တစ်ဆင့်ချင်း တစ်လှမ်းချင်း တဖြေးဖြေး ပြောင်းလဲ တိုးတက်သွားတဲ့ ကိုယ့်ရဲ့ အိပ်မက်တွေ သာဖြစ်တယ်။

ဆန္ဒနဲ့အိပ်မက် လူတိုင်းမှာ ရှိခဲ့ဖူးကြပါတယ်။ ကလေးလေး တစ်ယောက်ကို ကြီးလာရင် ဘာလုပ်မလဲလို့ သွားမေးကြည့်.. ၉၀%က ကြီးလာရင် ဆရာဝန်လုပ်မယ်၊ အင်ဂျင်နီယာ လုပ်မယ်လို့ ဖြေကြမှာပါပဲ။ ငယ်ငယ်တုန်းက ကိုယ်လဲ အဲဒီကလေးလို ဖြေကောင်း ဖြေခဲ့ဖူးပါလိမ့်မယ်။ ဒါပေမယ့် အချိန်ရဲ့ တိုက်စားခြင်းကို ခံခဲ့ရပြီးနောက် ကျရှုံးလိုက်၊ အဟန်အတားတွေနဲ့ မကြာခဏ ရင်ဆိုင်လာရတော့ ၀မ်းပိုက်ပြည့်ရင် ပြီးတာပဲလေ ဆိုတဲ့ ရောင့်ရဲမှုကို လက်ခံတတ်လာခဲ့တယ်။ အရင်က ဖြေခဲ့ဖူးတဲ့ မိမိ၏ ရည်မှန်းချက်၊ မိမိ၏ အိပ်မက်ဆိုတာကို အကောင်အထည်ဖော်ဖို့ မေ့လျော့လာခဲ့တယ်။

“နပ်မှန်အောင် စားနေရရင် ပြီးတာပဲ” ....“တနေ့ရှာမှ တနေ့စားရတာ” “အသက်ကြီးလာပြီ ဘာများ မက်နေစရာလိုတော့လဲ” ..“သေရင်လဲပါမသွားဘူး။ ဒီလောက် ပင်ပင်ပန်းပန်း လုပ်နေစရာမလိုဘူး” စတဲ့ စတဲ့ အသံကို ပတ်ဝန်းကျင်မှာ နေ့တိုင်း ကြားနေရတယ်။ ဗုဒ္စဘာသာ ပီပီ ရှိတာလေးနဲ့ လှအောင်ဝတ်၊ ရှိတာလေးနဲ့ ၀အောင်စားဆိုတဲ့ ရောင့်ရဲ တင်းတိမ်ခြင်းကို လက်ဝယ် ပိုက်လာခဲ့မိတယ်။ တကယ့်အောင်မြင်ချင်တဲ့ လူတွေကတော့ ရည်မှန်းချက်နဲ့ အိပ်မက်ကို ထွေးပွေ့လို့ တစ်လှမ်းချင်း ရှေ့ဆက်လှမ်းနေကြတယ်။

“ကျွန်တော်ဟာ အရင်က ဆင်းရဲတဲ့ လူတစ်ယောက်ပါ။ ကျွန်တော်ဘာကြောင့် သူဌေးဖြစ်ရတယ် ဆိုတဲ့ လျှို့ဝှက်ချက်ကို ကျွန်တော် သယ်မသွားချင်ပါဘူး။”
အဲဒီ သယ်မသွားချင်ဘူးဆိုတဲ့ သူ့ရဲ့ “စိတ်ဆန္ဒ” ဟာ အိပ်မောကျနေတာ ကြာပြီဖြစ်တဲ့ ကိုယ့်ရဲ့ အိပ်မက်နဲ့ စိတ်ဆန္ဒကို ထပ်တဖန် လှုပ်နိူး နိုင်စွမ်း ရှိခဲ့မယ်ဆိုရင်..........

ရေးသားသူ... နိုင်းနိုင်းစနေ

မောင်းထု သံ

မောင်းထုသံ

.
တစ်ခါက လူငယ်နှစ်ဦးသည် ရွာမှနေ၍ မြို့သို့ တက်ပြီး အလုပ် လုပ်ခဲ့သည်။ ကြိုးကြိုးစားစားနှင့် ငွေကြေး အမြောက်အမြား စုဆောင်းမိပြီး အသက်ရလာသောအခါ ရွာသို့ပြန်ပြီး အခြေချရန် ဆုံးဖြတ်လိုက်ကြသည်။ ထို့နောက် နှစ်ဦးသား ရွာသို့ ပြန်လာကြရာ လမ်းတွင် ၀တ်စုံဖြူ ၀တ်ထားသော အဘိုးအိုတစ်ဦးကို ထူးဆန်းစွာ တွေ့လိုက်သည်။ အဘိုးအိုသည် ကြေးမောင်းတစ်ခုကို ကိုင်ဆောင်ထားပြီး သူတို့အား ရပ်စောင့်နေခဲ့သည်။ အနားသို့ရောက်သော် အဘိုးအိုအား . . .“ဘာလုပ်နေတာလဲ အဘိုး” ဟု မေးလိုက်ကြသည်။

အဘိုးအိုက “အဘိုးဟာ လူတွေရဲ့ ဘ၀ နောက်ဆုံးမောင်းကို ထုပေးတဲ့လူဖြစ်တယ်။ မောင်ရင်တို့နှစ်ယောက်ဟာ အသက်ရှင်ခွင့်(၃)ရက်သာ ကျန်တော့တဲ့လူတွေ ဖြစ်တဲ့အတွက် (၃)ရက်မြှောက်တဲ့ ညနေမှာ မောင့်ရင်တို့ အိမ်ရှေ့မှာ အဘိုးမောင်းလာထုရမယ်။ မောင်းသံကြားတာနဲ့ မောင်ရင်တို့ဟာ သေဆုံးကြရလိမ့်မယ်” ဟု ပြောပြီး ပျောက်ကွယ်သွားလေသည်။

ထိုလူနှစ်ဦးမှာ အံသြတုန်လှုပ်စွာ ကျန်ရစ်ခဲ့သည်။ အချိန်တွေ ပေးဆပ်ပြီး ပင်ပင်ပန်းပန်းနှင့် အလုပ်လုပ်ပြီး စုဆောင်းထားသော ငွေကြေးများဖြင့် ဘ၀ကို ပျော်ပျော်ရွှင်ရွှင် ဖြတ်သန်းမည်ဟု စိတ်ကူးခဲ့သမျှ ကြက်ပျောက်ငှက်ပျောက် ပျောက်ခဲ့ရသည်။ သူတို့၏ အသက်ရှင်ခွင့်မှာ (၃)ရက်သာ ကျန်တော့သည်။

သူတို့သည် စိတ်မချမ်းမသာဖြင့် နေအိမ်သို့ အသီးသီးပြန်သွားကြသည်။ ပထမတစ်ဦးမှာ ထိုနေ့မှ စ၍ မအိပ်မစား တမှိုင်မှိုင်နှင့် သူ့ ငွေကြေးများကိုသာ နှာမြောတသ တွက်ချက် နေတော့သည်။ “ အသက်ရှင်ခွင့် (၃)ရက်သာ ကျန်တော့တယ်.. ဘယ်လိုလုပ်မလဲ” မည်သည့်အလုပ်မျှ မလုပ်နိုင်ဘဲ စိတ်ဓာတ်ကျကာ အဘိုးအို၏ မောင်းသံကိုသာ စောင့်မျှော်နေခဲ့သည်။ (၃)ရက်မြှောက်သောနေ့တွင် လူမှာ လေထုတ်ထားသော ပူစီဖောင်းကဲ့သို့ ခွန်အားများ ဆုတ်ယုတ်နေခဲ့သည်။ ထိုညနေတွင် အဘိုးအိုမှာ ပြောထားသည့် အတိုင်း သူ၏ အိမ်ရှေ့သို့ ရောက်လာခဲ့သည်။ ကြေးမောင်းကို “ဒူ...” ဟု ထုလိုက်သည့် အသံကို ကြားသည်နှင့် တပြိုင်နက် ထိုလူမှာ ဘုံးခနဲ လဲကျ သေဆုံးသွားလေတော့သည်။

ဒုတိယလူမှာမူ “အသက်ရှင်ခွင့်က (၃)ရက်ပဲ ကျန်တော့တယ်။ ဒီငွေတွေ နှမြောဖို့ကောင်းတယ်။ ငယ်စဉ်ကတည်းက ရွာကို ခွဲသွားတဲ့အတွက် ဒီရွာကို ဘာမှ အကျိုး မဆောင်ပေးခဲ့ဖူးဘူး။ ငါဟာ သေရတော့မဲ့အတူတူ ငွေတွေကို ရွာနဲ့ ဆင်းရဲတဲ့ ရွာသားတွေအတွက် တခုခု လုပ်ပေးခဲ့သင့်တယ်” ဟုတွေးမိ သည်။ထိုနောက် ငွေကြေးအချို့ကို လိုအပ်သော ဆင်းရဲသူများအား ခွဲဝေပေးပြီး ကျန်ငွေအချို့ကို ရွာလမ်းများအား ပြုပြင်ခြင်း၊ တံတားများ ဆောက်ခြင်းဖြင့် ကောင်းမှုပြုလုပ်ခဲ့သည်။ တတ်အားတရွေ့ ကိုယ်တိုင်ပါဝင် လုပ်အားပေးခဲ့သဖြင့် မအားမလပ် ဖြစ်နေခဲ့သောကြောင့် (၃)ရက်မြှောက် မောင်းထုသံကို သူမေ့လျော့နေခဲ့သည်။

ဤသို့ဖြင့် (၃)ရက် မြှောက်သော နေ့တွင် ရွာသားများက ကျေးဇူးတင် ၀မ်းသာသောကြောင့် သူ့အိမ်ရှေ့တွင် အိုးစည်ဗုံမောင်းများ၊ မီးရှူး မီးပန်းများဖြင့် လာရောက် ဂုဏ်ပြုကြသည်။ ပြောဆိုထားသည့်အတိုင်း ထိုနေ့ညနေတွင် အဘိုးအိုမှာ သူ၏ နေအိမ်ရှေ့သို့ ရောက်လာပြီး မောင်းထုခဲ့သည်။ သို့သော် ဆူညံနေသော ဗုံသံများ၊ မီးရှူးများကြားတွင် ထိုမောင်းထုသံကို သူ သတိမထားမိခဲ့ချေ။ (၃)ရက်လွန်သွားပြီးမှ အဘိုးအိုပြောခဲ့သော စကားများကို သူအမှတ်ရလာမိသည်။ ဂတိပျက်ပြီး အဘိုးအို ရောက်မလာခဲ့ဟု သူထင်လိုက်သည်။

လူတစ်ဦးသည် မျှော်လင့်ချက် ကင်းမဲ့နေသော အခြေအနေသို့ ရောက်သော် ဖြစ်သမျှ အကြောင်း အကောင်းချည်းဟု မြင်ကာ မျက်စိရှေ့မှောက်တွင် ဖြစ်လာသမျှကို ခံယူနိုင်ခဲ့လျှင် ဘယ်နေ့ မောင်းထုသံကို ကြားရမလဲ ဟု စိုးရိမ်ပူပန်နေစရာ မလိုတော့။ ထိုကဲ့သို ခံယူခြင်းမှာ ကင်းမဲ့နေသော မျှော်လင့်ချက်အတွက် အပြောင်းအလဲ တစ်ခုဟု သတ်မှတ်ခဲ့လျှင် ထိုမောင်းသံကိုလဲ ဂရုတစိုက် စောင့်မျှော် နားထောင်ရန် မလိုပေ။

အလွယ်ဆုံး ဥပမာတစ်ခုပေးရသော် သင်တွင် သံပရာသီး တစ်လုံးရှိသည် ဆိုပါစို့။ ထိုချဉ်သော သံပရာသီးအား ချိုသော သံပရာရည်အဖြစ် သင် ပြောင်းလဲနိုင် လိုက်ခြင်းပင်ဖြစ်သည်။

ပျော်ပျော် နေ တက်ဖို့ ကြိုးစားပါ

တစ်ခါက လူတစ်ဦးသည် တောထဲတွင် လှည့်လည်နေရင်း ဆာလောင်နေသော ခြင်္သေ့တစ်ကောင်နှင့် တိုးသည်။ ခြင်္သေ့မှာ ဟိန်းဟောက်ပြီး သူ့ကို ခုန်အုပ်လေသည်။ ထိုလူမှာရှိသမျှ ခွန်အားဖြင့် အသက်ဘေးမှ လွတ်မြောက်အောင် ပြေးလေတော့သည်။ ပြေးရင်းလွှားရင်း ချောက်ကမ်းပါး တစ်ခုသို့ ရောက်လာခဲ့သည်။ သူသည် ချောက်ကမ်းပါးထိပ်တွင် ရပ်ပြီး “ခြင်္သေ့ဖမ်းမိပြီး အရှင်လတ်လတ် အစားခံရမဲ့အတူ ချောက်ထဲခုန်ချလိုက်တာ ပိုကောင်းမယ်။ မတော်တဆ အသက်ရှင်နိုင်သေးတယ်”ထိုသို့တွေးမိပြီး ချောက်ထဲသို့ ခုန်ချလိုက်လေသည်။ ကံကောင်း ထောက်မစွာ ချောက်ကမ်းပါးဘေးတွင် ပေါက်နေသော သစ်ပင် တစ်ပင်ပေါ်တွင် ခံနေခဲ့သည်။ ထိုသစ်ပင်ပေါ်တွင် ချိုမြိန်သော အသီးများဖြင့် ပြည့်နှက်နေခဲ့သည်။

ထိုအချိန်တွင် ချောက်အောက်မှ ဟိန်းဟောက်သံ ကြားသောကြောင့် ကြည့်လိုက်ရာ သူကျအလာကို စောင့်နေသော ကျားတစ်ကောင်ကို တွေ့လိုက်ပြန်သည်။ “ခြင်္သေ့နဲ့ကျား ကြမ်းတမ်းတဲ့ အကောင်တွေဖြစ်တယ်။ အပေါ်ပဲတက်တက် အောက်ပဲဆင်းဆင်း အစားခံရမယ့်အတူ အပင်ပေါ်မှာ ခဏနားနေလိုက်တာ ကောင်းမယ်” ဟုတွေးလိုက်မိသည်။ နားရန်ဆုံးဖြတ်လိုက်စဉ် အသံတစ်သံကို ကြားလိုက်မိပြန်သည်။ အသံ လာရာဆီသို့ ကြည့်လိုက်ရာ ကြွက်ဖြူကြွက်မဲ နှစ်ကောင်မှာ သူရှိနေသော သစ်ကိုင်းအား ကိုက်ဖြတ်နေသည်ကို တွေ့လိုက်မိသည်။ သူ တုန်လှုပ်သွားမိပြီး “ ကျားကိုက်ပြီး သေမယ့်အတူတူ သစ်ကိုင်းကျိုးကျပြီး သေတာက ကောင်းဦးမယ်”ဟု တွေးလိုက်မိပြန်သည်။ ထို့နောက် သစ်ကိုင်းပေါ်တွင် နားနေပြီး ဆာလောင်လာသောကြောင့် သစ်သီးများကို ခူးစားလေတော့သည်။ ဗိုက်ပြည့်သောအခါ “ သေရမဲ့ အတူတူ မသေခင် တစ်ရေး အိပ်လိုက်ဦးမယ်” ဟုတွေးပြီး သစ်ကိုင်းကို မှီပြီး အိပ်နေခဲ့သည်။

သူ နိုးလာသော အချိန်တွင် သစ်ကိုင်းကို ကိုက်ဖြတ်နေသော ကြွက်နှစ်ကောင်ကို မတွေ့တော့။ ထိုအတူ ခြင်္သေ့နှင့် ကျားကိုလည်း မတွေ့တော့ပေ။ အကြောင်းမှာ သူအိပ်ပျော်နေသော အချိန်တွင် ဆာလောင်သော ခြင်္သေ့က အစာကို မစောင့်နိုင်သဖြင့် ချောက်ထဲသို့ လိုက်ခုန်ချခဲ့သည်။ ချောက်အောက်ရှိ ကျားနှင့်တိုးပြီး အချင်းချင်း ကိုက်ဖြတ်ကာ အသီးသီးဒဏ်ရာရပြီး ထွက်ပြေး ကုန်ကြသောကြောင့်ဖြစ်သည်။ ခြင်္သေ့နှင့်ကျား ဟိန်းသံကြားသောကြောင့် ကြွက်နှစ်ကောင်မှာလည်း လန့်ပြီး ထွက်ပြေးခဲ့ကြသည်။ ထိုအခါမှ သူသည်သစ်ပင် ပေါ်မှ ဆင်းပြီး သတိနှင့် ကမ်းပါးထိပ်သို့ တက်ရောက်ခဲ့သဖြင့် အသက်ဘေးမှ လွှတ်မြောက်ခဲ့ရသည်။

ကျွန်တော်တို့ မွေးဖွား ကြီးပြင်းလာသည့် အချိန်မှာ စ၍ ပင်ပန်း ဆင်းရဲခြင်းသည် ဆာလောင်နေသော ခြင်္သေ့တစ်ကောင်ကဲ့သို့ ကျွန်တော်တို့အား လိုက်နေခဲ့သည်။ သေဆုံးခြင်းသည် ရက်စက်သော ကျားတစ်ကောင်ကဲ့သို့ ချောက်အောက်တွင် ကျွန်တော်တို့အား စောင့်နေခဲ့သည်။ နေ့နှင့်ည ပြောင်းလဲနေသော အချိန်များသည် ကြွက်ဖြူနှင့် ကြွက်မဲကဲ့သို့ ကျွန်တော်တို့ ခဏသာ ရပ်တည်နေသော (ဘ၀) သစ်ပင်ကို ကိုက်ဖြတ်နေကြသည်။ တစ်နေ့နေ့တွင် ကျွန်တော်တို့သည် ခြင်္သေ့နှင့်ကျား၏ အစားကို ခံရမည်ဖြစ်သည်။ ထိုသို့ အစားမခံရခင် သစ်ပင်ပေါ်ရှိ ချိုမြိန်သော အသီးများကို စားသုံးရင်း အပင်ပေါ်မှ နေ၍ လှပသော ရှုခင်းများကို ခံစားနေမည် ဆိုလျှင် စိတ်သည် ရိုးရှင်းပြီး စိုးရိမ်ပူပန်မှုများ ကင်းရှင်းနေလိမ့်မည်။

သင်၏ အချိန် တစ်မိနစ် တစ်စက္ကန့်ကို ကောင်းသောအတွေး၊ လှပသောအရာများနှင့် ခံစားခဲ့ဖူးပါ သလား။ သူငယ်ချင်း မိတ်ဆွေ၊ ချစ်သူရည်းစား၊ အိမ်သူအိမ်သားများနှင့် ဘာမှမဟုတ်သော ပြဿနာ သေးသေးမွှားမွှားဖြင့် သင့်ကိုယ်အား ဒေါသငွေ့များ ဖုံးလွှမ်းစေပါသလား။ ပြူတင်းပေါက်ကို ဖွင့်ကြည့်လိုက်ပါ။ သို့မဟုတ်လျှင် ကြည်လင်သော ကောင်းကင်ပေါ်တွင် ဟိုဒီ ပြေးလွှားကစားနေသော တိမ်ဖြူလေးများဖြင့် လှပသော နေ့ရက်တစ်ရက်ကို သင့် လက်လွှတ်သွားပါလိမ့်မည်။

ရေးသားသူ... နိုင်းနိုင်းစနေ