မောင်ရိုးသည် အရမ်းအပျင်းကြီး၍ အအေး အလွန်ကြောက်သူ တစ်ယောက် ဖြစ်သည်.။ မောင်ရိုးနေထိုင်ရာ ဒေသလေးသည် တောင်ပေါ်မြို့လေး မှာ ဖြစ်သည်.။ တိတ်ဆိတ်အေးချမ်းသည်.။ တောင်ပေါ်မြို့လေးဆိုတော့ အေးတာပေါ့ ..။ ဒီမှာ မောင်ရိုးက ရေမချိုးဘူး ဆိုပဲ ..သူဆင်ခြေကတော့ “ အေးလို့ ” တဲ့..။
ဒါနဲ့ တစ်နေ့ကျတော့ သူ့အိမ်ကို သူ့ဦးလေးတစ်ယောက် အလည်လာရင်း မောင်ရိုးကို ပြောတယ်.။
“ မင်းကွာ..မဟုတ်တာပဲ..။ ရေချိုးတယ် ဆိုတာ ပထမ တစ်ခွက်ပဲ အေးတာပါကွ.။ ဒုတိယ တစ်ခွက်နဲ့ နောက်ခွက်တွေ မအေးတော့ပါဘူး..။ ”
“ တကယ်နော်...ဦးလေး.။ တကယ်ပဲ ပထမ တစ်ခွက်ပဲ အေးတာ သေချာလား.။ ”
“ အေးပေါ့ကွ..။ တကယ်ပေါ့..။ ”
ဒါနဲ့ ညနေလည်း ရောက်ရော မောင်ရိုးက ရေချိုးခန်းထဲကို ဝင်ပြီး ရေတစ်ခွက်ခပ်လိုက်တယ်.။ ပြီးတော့ ပါးစပ်ကလည်း...
“ ဦးလေးက ပြောတယ်..။ ရေချိုးတာ ပထမတစ်ခွက်ပဲ အေးတာပါ တဲ့.။ ဒုတိယနဲ့ နောက်ခွက်တွေ မအေးဘူးတဲ့ .။ ဒါကြောင့်..သွားစမ်း ပထမခွက်..။ ဒုတိယ ခွက်ကို ချိုးမယ်..။ ”
ဆိုပြီး ပထမခွက်ကို သွန်ချလိုက်တယ်.။ ပြီးတော့ ဒုတိယခွက်ကို ခပ်လိုက်ပြီး သူကိုယ်ပေါ် လောင်းချလိုက်တယ်.။ ဒီတော့...
“ အား....ဦးလေး လိမ်တယ်..။ ဒုတိယခွက်လည်း အေးတာပဲ..။ တော်ပြီ..ရေမချိုးတော့ဘူး..။ ”
ဆိုပြီး အဲဒီအချိန်ထဲက ရေမချိုးပဲ နေလာလိုက်တာ လတွေ ၊ နှစ်တွေ ကြာလာတော့ ခန္ဒာကိုယ်ကနေ အနံ့အသက်တွေ ထွက်လာပြီး သူ့နား ဘယ်သူမှ မကပ်ကြတော့ ဘူး ဆိုပဲ...။
မောင်ရိုးတို့ မြို့လေးမှာ အရမ်းညစ်ပတ်တဲ့ အရူးတစ်ယောက်ရှိတယ်.။ သူက ဘာအလုပ်မှတော့ မယ်မယ်ရရ မလုပ်ပါ.။ တောထဲတိုး ၊ တောင်ပေါ်တတ် ရှာလို့ တွေ့တာစား ၊ အဲ..သူရှာလို့ မရတော့ဘူး ဆိုရင်တော့ မြို့ထဲ လှည့်ပြီး တွေ့တဲ့ သူတွေဆီက ပိုက်ဆံ လိုက်တောင်းတယ်.။ သူပိုက်ဆံ အတောင်းခံရတဲ့ သူတွေကလည်း ဘာဘာညာညာ ထွေထွေထူးထူး မပြောတော့ပါဘူး.။ အရူးဆီက ထွက်လာတဲ့ အနံ့အသက်တွေ မခံနိုင်တာနဲ့ တင် မြန်မြန်ပေးလိုက် ကြတာပါပဲ.။
အရူးကလည်း ရူးနေတယ် ဆိုပေမဲ့ ဘာမှ အနှောင့်အယှက် မပေးတော့ သူ့ကို ဒီအတိုင်းပဲ လွတ်လွတ်လပ်လပ် နေခွင့်ပြုထားကြတယ်.။ အရူးနေတာက မြို့အစွန်မှာ ရှိတဲ့ ကျောက်ဂူကြီးထဲမှာ ညစ်ညစ်ပတ်ပတ်နေသတဲ့.။ ဒီလောက် ညစ်ပတ်တဲ့ အရူးဂူထဲကို ဘယ်သူမှ အရေးလုပ်ပြီး မဝင်ကြဘူးပေါ့.။
အဲ...တစ်နေ့ကျတော့ တောင်ပေါ်မြို့လေးမှာ ရှိတဲ့ လူတွေ တစ်ခု သတိထားမိလာကြတယ်.။ သူတို့ အရူးကို မတွေ့တာ တစ်ပတ်လောက် ရှိသွားကြပြီလေ.။ သူ့ကိုယ်မေး ၊ ကိုယ့်သူမေး ရင်းနဲ့ တဖြေးဖြေး တစ်မြို့လုံး အုတ်အုတ်ကြွတ်ကြွတ် ဖြစ်လာကြတယ်.။ ဟုတ်တယ်လေ.။ တစ်ယောက်တည်း နေတဲ့ အရူးကို မတွေ့တာကြာတော့ အရူးများ သူ့ကျောက်ဂူထဲမှာ သေနေလို့ မြို့ထဲ မလာနိုင်တော့တာလား။ သူတို့ ဒီလို တွေးမိတယ်.။
ဒါနဲ့ပဲ..၊ မြို့ထဲက လူတွေ အားလုံး ကိုယ့်ဖာသာကိုယ် အစီအစဉ်နဲ့ ကြုံရာကြုံရာ လူတွေ စုပြီး အရူးရဲ့ကျောက်ထဲဂူကို ဝင်ကြည့်ကြတယ်.။ တကယ်တော့ အရူးက ဘာမှ မဖြစ်ပါ.။ ဘယ်ကရထားမှန်း မသိတဲ့ ငှက်ပျောသီးတွေ အခိုင်လိုက်ရှိနေလို့ သူကျောက်ဂူထဲကနေ ဘယ်မှ မထွက်တမ်းကုတင်ပေါ်မှာ ထိုင်စားနေတာပါ.။ ဒီမှာ ဒီလောက်ညစ်ပတ်တဲ့ အရူးရဲ့ဂူထဲကို ဝင်သွားတဲ့ လူတိုင်းကြာကြာ မနေနိုင်ကြပါဘူး.။ နှာခေါင်းကို လက်နဲ့ ပိတ်ရင်း “ နံတယ်...နံတယ်...။” လို့ အော်ရင်း ပြေးထွက်လာကြတယ်..။
ဒါနဲ့ပဲ...သူသွား ၊ ကိုယ်သွားနဲ့ အရူးဂူထဲလည်း မြို့ပေါ်မှာ ရှိတဲ့ လူတော်တော်များများ ရောက်ဖူးသွားကြတယ်.။ မောင်ရိုးကလည်း အရူးနေတဲ့ တောင်ပေါ်မြို့လေးက ဆိုတော့ သူလည်း အရူးမြို့ထဲမှာ ပျောက်နေတာကို သတိထားမိတယ်.။ ဒါနဲ့..သူလည်း အရူးနေတဲ့ ကျောက်ဂူထဲမှာ အရူး ဘာဖြစ်နေတာလဲ ဆိုတာ သိရအောင် ဘယ်သူမှ မခေါ်ပဲ တစ်ယောက်တည်း ဝင်သွားတာကို မြို့ပေါ်မှာ ရှိတဲ့ လူတချို့ကတွေ့လိုက်ရတယ်.။
ဒီလိုနဲ့..ခဏလောက်ကြာတော့ ကျောက်ဂူထဲကနေ “ အား...နံတယ်.. နံတယ်..။ ” လို့ ဆိုပြီး အော်သံနဲ့ အတူ လုတစ်ယောက် ပြေးထွက်လာတာကို မြို့ပေါ်မှာ ရှိတဲ့ လူတွေ တွေ့လိုက်ကြရတယ်.။ ဒီတော့ သူတို့ ပြေးထွက်လာတဲ့ သူကို ကြည့်လိုက်တော့ နှာခေါင်းကို လက်နဲ့ ပိတ်ရင်း ပြေးထွက်လာသူက “ အရူး ” ဖြစ်နေတယ်.။
သြော်....မောင်ရိုး ညစ်ပတ်တယ် ဆိုတာ အရူးက နံတယ် အော်.....လောက်အောင်ကို ရေမချိုးတာဗျာ.။
:)
ReplyDeleteရယ်ရတယ်နော်။
အဲ့လောက်တောင်ညစ်ပတ်ရလား။